男友出面有第二個

我就覺得佢唔係想同你分手！
佢始終都當你係正印既！
出面個個都係貪新鮮架ｏ者！
話晒都同你三年，佢都放你唔低啦！
關係都咁穩定，都已經好似一家人咁，仲玩咩分手！
但正因你地太穩定，真係冇咩火花！
就算我幾鐘意食ａｐｐｌｅ，食足三年ａｐｐｌｅ都悶啦！
所以受唔住出面誘惑係好正常！

但問題係出面個個同佢係去到咩地步？
我認為最理想就係個個只係ｓｅｘ　ｐａｒｔｎｅｒ！
咁樣就明顯只係喜愛嘗鮮，同埋冇太多感情瓜葛！
其次理想就係出面個個可能只係玩玩下既！
大家都知道係偷情，逢場作戲架ｏ者！
但如果出面個個同佢真係玩認真，咁就死火啦！
遲早你條仔都要揀！

同埋出面個女人知唔知有你存在？
知既就最好，佢會明白自己只係情婦身份！
唔知就大件事，你條仔就係想食兩家茶禮啦！
咁你都未話贏梗！

你係點樣發現架先？
係咪係佢衫袋搵到時鐘酒店既單？定係斷正？
你知唔知對方咩樣？如果後生靚但又姣，我諗就係唔太認真！

我自己估就應該係逢場作戲架ｏ者！
因為有個穩定女友都應該唔敢去到咁盡！
就算出面條女幾正，最後都係對你有責任！

至於你要點？
我就唔會叫你飛佢，要飛你一早飛左！
睇你個樣都係寧願縱佢架喇，你根本就唔想分手！
咁其實你都問過佢，佢唔認ｏ者！
即係佢知你知件事啦，應該會收斂ｄ，或者同出面條女斬纜！
你就可以扮冇野（但佢知你有野架嘛）！
又對佢好，例如煲湯畀佢，等佢內疚下！

我希望你條仔只係食下散餐，而唔係出面有頭住家！
男人去滾都好正常，會番屋企就得！
既然你決定接受佢，就要隻眼開隻眼閉架啦！


2010-03-24 17:45:22 補充：
本來我見到ｂａｂｙ　ｓｔｉｌｌ　ｗｏｒｋｉｎｇ呢類野都覺得冇咩野既，
普通ｆｄ都可以咁講野，玩得既話！
但係既然佢ｐａｒｔｎｅｒ老婆都話係囉，咁就真係堅料！
拿！咁你都知佢唔係想分手啦！
你都唔係想分手架ｏ者！
但係你太深明大義得制，完全唔做ｄ咩，以後就畀佢食住！
我覺得你可以扮下野，扭下計！
喊住講你咩都知道晒，唔准佢唔認！

2010-03-24 17:45:26 補充：
然後就話一次不忠，百次不容，同佢鬧下分手！
但當然唔係真係分啦！
等佢挽留下你，同你ｓａｙ　ｓｏｒｒｙ！
然後你都要表現得其實你唔係真係想分手，欲拒還影咁！
迫到佢應承你以後唔敢！
到最後，你就決定原諒佢啦！
攬住佢話其實你真係好愛佢，好驚冇左佢！
佢會內疚，唔敢再對你唔住架啦！
既然佢玩偷食，但識番屋企！
你都係玩番離家出走，不過會番屋企ｏ者！

點
強事業人o既男人,鐘意一個女人的話一定會成日主動搵佢ga

如果佢仲意你,就算佢出面有第個,都會主動搵你ga.



"
或者會唔會係我太依賴佢比到佢好大壓力呢.."?你無煩/任性(例如一日要通十幾電話)果d..通常都唔係.
================================


2010-04-01 16:48:02 補充：
你試下1個內完全唔主動聯絡佢
如果佢都睬你都傻...分得手

2010-04-01 16:52:06 補充：
如果佢仲意你一個月內一定個話fly甩另一個,
到時你搵partner老婆收風有無甩另一邊,再久唔久收下風.
最多畀一次機會,

2010-04-01 16:54:39 補充：
佢仲意你果一個月內一定會成日主動打畀你.
但你一定要忍到一個月內完全唔好主動打電話畀佢,唔好send msn,唔好主動聯絡佢

2010-04-01 16:55:33 補充：
就算佢一個月內tum番你,你都唔可以主動聯絡佢.
由佢tum多幾次lor.

其實你有冇試過唸下你地係咪可以天長地久(其實正常既情侶都好難.)
如果終有一日會失去佢.
不如早啲放手？已經佢仲要對你不忠.
你真係可以容忍一個曾經背叛你既男人咩？
唉..講多無謂.唸清楚D啦.唔好咁執著啦.

這裏可以幫到你
http://yahootwiaaa.hrb5.harbinidc.com/yahoo.com.hk/hk/auction/178987536

趕快去找新工作吧 ！

就您們這段已變質的 3 年情， 妳弄到 partner 的太太也找上他為妳聲討 …
他內心準認為妳在借勢壓他， 不暗生反感才怪 ~

妳可以隻眼開隻眼閉， 但無補於事， 妳只能短暫地留著他的軀殼 …

因為您們之間的關係將日益疏遠 …

還有， 外邊的女生是否得悉妳的存在並不重要， 關鍵是妳的老闆男友是否在乎妳 …

得罪了 ！

你話佢好忙又唔會出街

咁佢出面果個係邊度識架?

點解佢又會有時間陪出面果個?

我覺得唔係因為你悶, 你自己覺得姐

其實好可能佢已經變左心

話係話忙, 係忙住陪另一個人

你要面對真實既原因

亦要自己去解開

當然你可以一走了之, 但係你會唔甘心

到而家你仲覺得你地係可以係返埋一齊

你認真諗下係你一廂情願咁諗定係真係咁樣

強求d幸福係冇好結果家,我不如快d飛咗佢la~~

如果他真的是那麼忙，又怎會有時間去識其他女人呢?

事主醒下啦，不要自己騙自己了。

如果你覺得變冷的原因是出於你身上，是你的悶所以令他產生厭倦，咁當初他認識的你已經是這樣了，請不要將問題背負於自己身上。

除非他識你只是想和你上床，咁玩厭後就甩你，咁你做什麼也無補於事。

是你親眼見到他有第二個?還是你覺得他沒有時間陪你，所以你覺得他出面有第二個呢?

睇怕他現在已唔當你是佢女朋友了,佢唔認出面有第二個,只係唔想你傷心或者佢正等咁你提出分手也唔定.男人天生就係貪新鮮何況你們一齊3年了 感情無左就無左,除非你條件特別好,如果唔係想佢回心轉意是無咩可能了.早些為自己打算下了不要再在這個男人身上浪費青春了,我亦明白你現在仲很鐘意佢 如果你唔甘心就試下同佢傾傾,何去何從都得有個結果,如果唔係辛苦嗰個係你,而佢卻在風花雪月....天下好男人唔係無既....為自己諗下了...

講真 3年係1個好長ge時間 感情淡左會係正常ge 更何況佢出面已經有第2個 正所謂「一次不忠 百次不用」我覺得你唔可以大就佢囉 比佢覺得你太就佢 佢就會食住你上 以為你可以為左佢乜都做咁 依加連佢出面有第2個 你都忍佢咁 咁樣佢之後會做更多對唔住你ge野 因為佢覺得你會繼續忍佢咁 你到時會好辛苦囉