想進修account

如果你想做專業會計師, 你可以先讀個conversion course(HKICPA個網有名單), 之後讀QP. 完成QP再加最少3年工作經驗就可成為專業會計師.

你想讀account, 即係將來想做會計工作. 我有個好奇, big4都會請非會計系學生. Final year時有無搵過big4工作? 你自己對會計行業有幾多認識? 如果你入行原因覺得會計容易賺大錢, 你就大錯特錯. 會計fresh grad入會計師樓做最高只係11,000一個月. 做完三年後, 人工通常兩萬幾, 出去做都差唔多. 你想賺大錢, 點解唔做醫生、護士、MT或I-bank? 雖然醫生及i-bank都係非人生活, 但會計係非人生活之餘而且人工係我上述所講, 上年就算升級只係象徵式加幾百. 如果你想知會計有幾非人生活, 你可以睇下參考資料條link.
會計前途好? 核數已經愈來愈難做, 好多間係鬥平. 核數其實無乜肉食, 其中一個最賺錢的工作--IPO, 規模同2007年真係爭好遠. 就算考完牌之後想搵私人機構工作, 亦都唔係容易. 第一大企業要你有big4經驗, big4一年請幾百人, 幾百人爭好少工. 第二就係好多公司有內地業務, 點解唔索性請個內地人, 慳番唔少.
所以, 你最好再三思自己係唔係適合讀會計, 總好過你入行之後先覺得自己唔適合.

2010-03-23 17:18:05 補充：
link: http://www.com.cuhk.edu.hk/ubeat/100194/account.html

我建議您去「職業訓練局」、「僱員再培訓局」或「工聯會」找尋相關課程。因為這裡有很多這些類型的課程，您有較多選擇；而且那裡的課程素質比較好、分校亦比較多和課程費用比較平宜。