褒湯問題一問！.. .... ... ... ...

想要啱你要求，當然係瓦煲啦(高身個隻)，幾十元一個(唔係咩高温耐熱，日本咩咩個 d )，又平又香煲出黎。

但我就唔鐘意用瓦煲，因怕危險，我聽過唔少人用時因個煲列左而被湯傷。十幾年前就丟晒，但我會用一 d 細個既整煲仔飯，同煲仔菜。

我係用真空煲，己經十幾年啦，(一定要用 thomas )，佢至可 keep 到長時間夠熱，只要將材料放入煲，煲20分鐘，放上幾個鐘，至要飲時，再煲 20分鐘至半小時，d 湯就好濃下。唔使睇火，去街返黎或收工後，用好小時間就有湯飲，慳返好多 gas ，又唔使擔心。

價錢由幾佰元至2000元不等，睇你要幾大個同係咪日本做，一個可用上十年或以上，慳左 d gas ，一年都可買個 新啦，你自己決定啦。

2010-03-24 11:03:26 補充：
大家都係交流下心得者，唔好咁勞氣，;就我個人經驗黎講，我真係分唔出瓦煲同不廋綱煲，煲出既湯有咩分別，我都係聽人講話瓦煲香 d 姐。我有個朋友就堅持瓦煲好 d ，咁佢就買左個幾佰元既，話靚 d 喎，我想你就係個種，係一般既家庭用品店或百貨店，如永安百貨，200元-300元可買到，但佢煲左幾次就放棄，原因係太重，個煲本身就好重(有幾斤重)，唔重就唔係靚貨，落埋材料同水，足有十幾斤，佢好幾年都冇用啦，放係度又左著，丟左又好浪費，超好笑。

2010-03-24 11:20:21 補充：
想同答意見個位....占卜師... 朋友討論下煲魚湯白唔白既問題，以我既經驗，只要煎香 d 魚加水，大火滾... d 湯就會白.....冷，熱水都一樣，全冇咩分別，因我真係親身試過，我好鐘意做實驗.....哈。
但我都有睇電視個 d 人都係教人用滾水至白，所以我都唔明，點解佢地要用滾水。
但唔知大家有冇留意魚本身，魚唔係一定白色肉 ga ，好似三文魚 d 肉橙色，劑魚 d 肉係淺灰色，佢地煲出黎 d 湯唔白ga ，我試過。由其劑魚同慈魚，煲出黎係清清地帶灰色，冇魚湯既香味不特止重好鯹添。大家不防試下。

2010-03-24 12:21:10 補充：
上面有位朋友介紹用個個煲，好唔好用我就唔知，但佢有講到一樣，就係唔會睇到佢滾，咁我就有個疑問，佢有冇去至沸點，即100 度以上，如果冇咁係衛生同食物安全既角度.........點睇。佢同真空煲既煲湯原理好似一樣，但真空煲係要煲滾至放回原煲燘，超碼係熟左至燘，但佢從未滾過。咁.................

重有，佢係用電，如果出街，以我個人就會好冇安全感。

大家討論下，唔好介意 !!

2010-03-24 12:28:22 補充：
呀....有樣野要講清楚，我同 thomas 全冇關係，我只係一個普通師奶，我係用錢去買 ga ，係 sogo 買，等佢大減價時，會平好多，我人少，用 4.5 lit，去年減價時買第二個煲，(用耐左會冇咁熱，己經十幾年) ，600幾元，約 6 折。唔減要過千元。

2010-03-30 23:28:58 補充：
001.....你好，冇錯...我係話菌，因為好多時 d 醫生呀，衛生處呀都話要高温至可殺死 d 菌，如果只係水 100 度就滾，100 以上都唔會溢出黎，但有食材時就會溢晒出黎，所以煲時會睇著，一滾就開蓋，再轉小火，就唔會再溢出黎，但你之前曾提過佢水滾都唔見有泡泡，咁即係有冇滾到呢 ?

2010-03-30 23:29:04 補充：
至於你話佢咁大間廠........其實好多時要出事至有人注意 ga ，就好似保濟丸咁，市面有咁多唔同牌子既煲，政府睇唔到咁多 ga 。我覺得佢好似我二十幾年前用個個電子瓦煲咁，但電子瓦煲就教人要先用另一個煲將水同湯料煲滾至倒入個電子瓦煲度。我就係怕長時間插著電，用左一年就冇用，放係櫃度又唔寫得丟，因好新只用過幾次，哈....一年只用幾次，唔係煲幾次湯呀。

看你的問题..好像一個從未入過厨房的人.要趕學煑餸煲湯氹人呢....要煲出好湯不是有個瓦煲就可以..要很多部份的配合...用料是否新鲜.配料的配正確,備料的方珐,例如:要出水,煎炒..先下後下..時間(是狂煲十個鐘)就是靚湯...不同料要不同時間火候...又如要湯奶白..不是所有料也會煲出奶白的湯色..一般是用煎魚...但冷水下料和滾水下料就不同了..小心不要信有些回答像是sale煲多過教你煲湯的...出去買本.gigi姐的(吾湯吾水)就掂啦

但係我昨晚煲魚湯都冇變奶白色！
or 你可唔可舉多d材料例子比我，等我try try ar ，thx ^^

煲湯奶白色唔係因為用咩煲, 唔同用瓦煲煲菜湯都變奶白色咩!
例如魚湯, 將魚煎一剪先加水煲, 咁就會奶白, 就算用易潔煲or鑊都會.

你好!

其實以前多數用瓦煲,即類似睇古裝電視劇用嚟煲藥嗰種呢!但現今多數用不鏽綱煲!
我幾歲大嗰陣,都廿幾年三十年前,我GRANDMA就用瓦煲,之後因為裂左,又搵唔到啲COOL煲佬(真係COOL煲架)!所以就換左用不鏽綱!
咁當然係瓦煲好啦!但依家好難搵到真正靚嘅瓦煲,我問我媽何謂靚,佢話靚嘅可以用好耐!依家雖則興懷舊,於舊式街市或雜貨店都有得賣,但可能冇以前咁好,同埋好細個!話明煲湯,應該唔只煲一碗半碗吧!
Actually不鏽綱都ok!我家呢個不鏽綱煲已用左成廿年了!都唔錯唔錯!
我怕你唔清楚,所以特登影左個煲幅相and po左出嚟,你可link以下網址睇睇!

http://www.facebook.com/album.php?aid=159978&id=677677696&saved#!/photo.php?pid=3612185&id=677677696
http://www.facebook.com/album.php?aid=159978&id=677677696&saved#!/photo.php?pid=3612186&id=677677696&fbid=390144127696

其實我經常都會睇烹飪節目,發現左依家有隻牌子叫德國x,佢地新出左一隻煲,正名叫養生鍋,佢超正,唔駛睇火,唔會好似其他煲咁,滾得滯啲湯會’貧’出嚟!佢絕對冇呢個情況,同埋你睇唔到佢滾,其實煲湯已經煲好!但就咁睇,你會以為未插插頭咁,就算煲水,水滾亦唔會有泡泡出現!
加上煲身透明,可睇到煲內情況,亦唔會黏底!只須校時間製,煲兩個鐘定三個鐘,到時會自己熄火!size亦有大中細之分!大約588-788左右!價錢合理!用途多又真係非常方便好用!
最重要係唔駛睇火,最啱大頭蝦人士或老人家使用!我都考慮中!因我父母年紀大,有時都唔記得熄火,有幾次’貧’到成個爐頭濕晒!
我強調並非賣廣告,只係一種推介而已!我諗你應該係煲湯新手!
以下係呢個養生鍋之網頁,你唔駛周圍click,我幫你搵埋了!
http://www.germanpool.com/chi/products/list_sc.php
http://www.germanpool.com/chi/products/p_sc.php?mdl=gmd-35

actually有時會惠康會有時有啲易潔鑊同煲換(用印花嗰啲呢)!但唔知嗰種質地好唔好!所以唔敢推介或作評論!
同埋我唔知你budget幾多!但我建議負擔到的話,就買新款啦,因為其實不鏽綱都起碼百幾二百蚊!仲有,有時行開行埋,一個唔留神,火燭都似!有時呢類家庭電器用品,通常都會用到好耐同好長時間,除返開,就算買個貴少少都不為過吖!
我一向都認為,大部份廚房用具,尤其食落肚(唔係話食個煲,即用嚟煮食嘅),我都會買啲好少少,有品質保證嘅,好似易潔鑊,平嗰啲,成日都怕質料唔好,好快溶,釋無色無味嘅化學物質等!所以都會揀啲牌子好嘅,寧願其他用品上慳啲囉!始終食左落肚嘅,穩陣啲好!
Anyways,如果仲有任何問題,你可隨時send電郵比我!
Email : [email protected]

希望幫到你啦!

Winnie

2010-03-28 22:12:54 補充：
其實大家都係抱住一種想幫人嘅心,所以先上嚟知識+姐!但用文字去交流,真係好危險,因聽唔到語氣,誤會就係咁嚟!
我絕對同意002話唔好介意,一齊交流心得,係好事嚟嘅!
我要鄭重強調,我絕非sales,唔知003所講嘅sales,指我嗎?
我link個網頁出嚟!只係方便發問者作參考而已!另一個link,係我屋企嘅廚房嚟!依家一直用緊呢個煲,同樣亦係作參考因而po出嚟!冇牌子架!
唔緊要啦!最重要係幫到發問者,希望各位朋友唔好誤會啊!

2010-03-28 22:21:53 補充：
好認同003講法,除煲身外,都要配合埋材料!但請問,點解你話要煲10hrs呢?但咩湯最多都係煲3-4個hrs而已!未聽過10hrs咁耐!其實你會否將燉誤作為煲呢?我都有睇吾湯吾水節目,好多都係用燉盅裝住少少材料就拎去燉!這並非煲湯!
另外,佢介紹之湯水,太唔普遍了,好多野味,如蛇,水魚等等!但現今大部份家庭,都係煲啲普通啲嘅,如清補涼,青紅蘿蔔,魚湯,鷄湯,竹絲鷄煲響螺等!

2010-03-28 22:25:55 補充：
至於002話衛生,係咪指,驚唔夠一百度會有菌?其實我唔肯定,但咁大間廠,又新型號,我諗應該有100吧!我係睇星級廚房嘅,見周中極力推薦!其實我最中意佢唔會滾瀉呢個賣點!

2010-03-28 22:38:27 補充：
因唔同質地,受熱程度亦唔同!其實火候先係最關鍵,若唔識睇火,比個鑲鑽嘅煲都冇用!
煤氣嘅火爐一定唔夠以前燒柴好!瓦煲配柴火,係最佳拍檔!所以家陣用瓦煲都唔會話比其他好得去邊!因冇左個拍檔!但以安全計,真空煲或不誘綱其實都考慮得過!