有關痴舌根的問題

✔ 最佳答案

你好!
Sorry啊!雖則比唔到啲咩醫學知識或意見,但你好似好無助咁!所以想留個言比你!
另一位回答者話唔一定要做手術,仲有好多方法醫!我絕對認同!什至唔好話醫咁嚴重啦,矯正而已!
我有位男同學,細個讀書嗰陣,佢又係有少少痴脷根!但唔算嚴重,so far佢依家都30yrs了!情況好似比以前好,但佢又冇特別去矯正自己噃!
好奇怪,你都15歲啦!點解依家先有人話你呢?以前有冇人講過?how about你嘅家人?
其實你身邊所有人,包括同學朋友老師家人親戚等等,有幾多人覺得你有此情況?例如十個佔左幾多個認為你係痴脷根?咁你自己又點睇?
好耐之前聽人講過(唔記得係咩醫學節目)!原來有啲人係天生發唔到幾個音,如s音(有少少似啲日本人講英文咁,有啲音佢地永遠發唔準)!但呢種唔算係痴脷根,唔記得個學名係咩!總之係關於口腔顴咢問題,並唔屬於痴脷根呢個範疇!可能你都係呢種!因我覺得唔會話咁大個先發現吧!就算你家人發現唔到,老師都會知啦!
好似嗰個巨肺小妹妹阿gem咁,佢都係因為口腔咢骨問題而導致好似痴脷根咁,其實似漏風而已,你覺得你同佢比,邊個好啲?
或許嘗試去搵醫生同你做個評估,確定係因咩問題先啦!未必要去到做手術咁嚴重呢,可能都係做啲語言治療就ok吧!但因始終聽唔到你講野,真係好難評論!
我幫你睇過啲網頁資料,但暫時唔敢介紹比你!因唔知佢地啲醫療好唔好,收費貴唔貴等!或許我幫你問問嗰啲比較專業嘅朋友,睇佢地有咩意見,再同你講啦!
試試最老套辦法咬木塞讀報紙吧!雖則我知呢個辦法只針對啲懶音王而已!但即管試試吧!唔知有冇幫助!
Anyways我勸你先睇醫生,作個評估,睇下醫生有咩意見比你,之後再同家人朋友等商量下!因為你仲係細,仲係發育時期,好多野都仲有大把時間同空間去矯正,年紀越大就越難攪!
至於有關手術方面,
a) 你好似有點担心經濟問題,有冇估錯?唔知你屋企環境如何啦!中產?貧窮?須申請津貼援助?好有錢?anyways錢銀上你唔駛理啦,反正都幫唔到手架啦!由得父母或大人自己去諗啦!講真,若你真有此須要去做手術,就算借都一定會借返嚟比你架啦!或者調轉講,若touchwood你屋企人或你最愛錫嘅人病左!佢地想你輟學出嚟打工,幫補屋企,分擔經濟負擔,咁你會唔會吖!你願意為你家人咁做嗎?
b) 唔好話你冇須要做啦!就算要做,都唔會話流血過多致死吧!家陣啲醫院有幾何發生呢啲問題呢!08年,我發脾氣一拳打爆塊玻璃,當場比玻璃界斷左自己3條手筋,我爸媽即刻call白車!由19:00開始流血,直到白車嚟大約5-10mins我已流左一大湯碗嘅血!我發誓,真係冇誇張,當時我怒火仲未退,仲唔知咩事,發覺點解咁隻腳不斷滴水先知自己流血並闖禍了,救護員幫我包紥得好緊(止血)!去到醫院,坐喺急症室等到成22:00先鏠針,才知手指斷筋唔郁得,所以要即入院做手術,醫生諗住訓醒起身先做,但因仲流緊血,所以要立即做手術,因失血過多已令我血壓低到好有問題,驚我會暈!入到手術室仲狂流血,影響做手術,於是幫我綁止血帶,綁到幾實呀,嘩!麻醉藥未有效隻手都已麻痺晒,唔駛打麻醉針都得!
我知講呢個經歷同你topic無關,但我只想比你知,唔駛担心會有失血過多而死亡,請放心!

有啲咩問題,你可隨時電郵比我架!
[email protected]

Winnie

回答 (2)