準媽媽又好...生過的又好...總之識既就指點指點1吓啦:)

{1}我應該去做此檢查嗎?

你家族有人係有唐氏，我覺得去CHECK下會安心D， 話晒仲有咁耐BB先出世，有排心掛掛，你可做左度頸皮＋抽血果個TEST先， 但呢個TEST得85﹪準，不是百分百，如屬高危，先再考慮抽胎水啦，抽胎水就可肯定BB有無唐氏

2}插支針入肚抽羊水存有危險性

手術期間BB受傷機會唔大, 因為會有超聲波睇住, 而且醫生會在亞B較遠既位落針

我同意森美莉 所講的做法.

你應該去檢查.e生才是專業的,有更好方法可能你未知..同e生相量
祝你好運

問題(1) 我應該去做此檢查嗎?

我覺得要去檢查一吓, 因你家族裡有人係有這種病, 可能冇事但安全起見都要去Check一Check, 如果真係唔好彩檢都有這種病, 你同先生可以決定要唔要BB.

問題(2) 插支針入肚抽羊水?

我記得我有BB時都有去Check(我年齡大過你(32)及兩邊屋企人都冇這種病), 但我都冇有抽羊水, 只係抽血及做超聲波(量BB頸皮), 你係邊到聽返嚟話要抽羊水, 可能你年齡大d (要成40歲以上又係第一胎) 就可能要求你做, 但如果你冇事的話係唔會抽羊水喎!

其實你可以去問一問d婦科醫生意見, 佢地會幫到你, 唔好成日自己"黑"自己, 你宜家有咗bb唔好諗d唔好嘢.
希望幫到你!!!

要確定胎兒是否患有唐氏綜合症，唯有從胎兒抽取其細胞，數算其第21條染色體的數目。抽取胎兒細胞的方法通常是絨毛球活檢和羊膜穿刺術兩種，但由於這兩種方法都屬於入侵性檢查，帶有一定風險(會使胎兒流產機會增加約1%)，故若胎兒患有唐氏綜合症的機會非高，一般是不建議孕婦接受這些入侵性檢查的。孕婦可先行接受一些篩查方法，估計胎兒患病的機會率，然往才決定是否有必要進行入侵性檢查。現時常用的篩查方法包括以下幾種，進行時間，發現率也有分別：

篩查方法 進行時間 發現率
孕婦年齡３５歲或以上 20週歲前 約30%
中孕期血液篩查 15週歲以後 約70%
中孕期超音波掃描 16週歲以後 約30%
早孕期超音波掃描胎兒後頸皮下透明層 11-14週歲 約70%
早孕期一站式唐氏綜合症篩查 11-14週歲 約90%


希望幫得到你小小既忙啦;p 祝你幸福快樂~

2010-03-22 23:36:22 補充：
另外補充下

唐氏綜合症

患者的細胞核比正常人多出一條第21條染色體導致多種器官結構和功能異常包括弱智先天性心臟病腸塞等唐氏綜合症患者一般可活到成年但由於智能的障礙他們需要長期接受看顧

成因

唐氏綜合症的成因主要是患者的母親的卵子在細胞分裂期間發生問題導致產生了載有過多條染色體的胚胎（參染色體異常）母親的年齡越大，胎兒患有唐氏綜合症的機會就越高。只有少於５%的唐氏綜合症是透過父母遣傳

胎兒治療

唐氏綜合症患者由於智障原故，學習及日常生活有一定困難，必須接受長期特別照顧。部份患者可能會有其他器官缺陷，要接受外科手術治療。有關唐氏綜合症的治療、日常生活照顧及援的可參巧香港唐氏綜合症協會及唐氏綜合症資訊網等網址

2010-03-27 22:02:06 補充：
再補充 雖然我唔係女人-_-"所以唔好卑鄙我-_-"