離譜的__悅意軒__各位小心

悅意軒售賣貨品質素差劣。有一次我在太子店買了一樽花粉，回家打開樽蓋時，有一隻小曱甴走出，然後我發現內裏的密封口有一缺口，於是我不敢食用該樽花粉，並到悅意軒太子店要求更換，當時職員態度奇差，還砌詞狡辯，佢首先問我隻曱甴喺邊，佢話而家望樽花粉入邊就冇喇。喂，我當時見到有曱甴已經被嚇了一跳，然後立刻拍死佢，點會將隻曱甴條留在樽內，個售貨話我講大話，又話賣比我時花粉是密封的，沒有可能有曱甴的，如果有曱甴隻曱甴都會被焗死喇，仲話冇人打開內裏的密封口係冇可能會有缺口的，又話一個合理、理性而又有IQ的人都知。嗰個售貨員不停鬧我，然後又話你自己睇吓，樽樽花粉都有標籤帶，冇可能有曱甴可以走入去的，如果唔喺有人打開就怪。講真我無必要講大話而要求佢換嗰樽花粉比我，我特登要搭車到太子換樽花粉，我有冇理由要咁樣做，佢不斷話要保護自己的權益，我問佢咁我作為消費者的權益又點，佢話最多同你問廠商係咪個樽花粉有問題，然後由廠商答覆你，咁我問佢如果廠商話無問題，咁會點處理，佢答我佢唔會作回答，要答就等廠商答你，我同足足糾纏成個小時，佢都唔肯換，到最後有個顧客話不如問下你老板由佢決定好不好，那個售貨仍然態度惡劣，佢同老板傾完電話，就講：我老板都覺得無可能會有曱甴的，樽口一定是密封，不過我老板大方，今次就換比你。話~~咁即喺話我小氣啫，賣樽有曱甴的花粉比顧客，仲話人無品，你話呢問悅意軒喺咪離譜？你地評評理！