F.3揀科問題(20點)

會計好=數學好係好多人對會計的誤解. 中學會計主要都係學如何紀錄交易、財務報表(獨資經營、合夥經營、非牟利團體、工廠、有限公司及Consolidation)、用會計比率就公司財務發表意見、會計概念及管理會計. 冇錯, 會計係要計數, 但只係好簡單的加減乘除. 概念亦都好緊要, 因為概念係教你點樣計數, 你概念唔熟就唔會識計. 如果你唔太討厭數字、英文能力唔太差、理解能力係可以、唔怕悶(因為做一條會計要用幾多時間, 而且要不斷做先會熟.), 會頗適合讀會計.
經濟方面, 我假設334學制範圍同舊制中四至中七一樣. Econ一樣有數計. 雖然有D書睇落好似好簡單, 但出卷可以係另一回事. 我覺得讀高中經濟需要有一定閱讀能力、分析能力邏輯思維先讀得好, 有數低會好些(但D數唔會好難), 因為你要明每個Model如何運作及背後原理, 當然亦要有一定背誦能力.
選讀傳理/新聞最基本係要有一定中英文能力, 現時收生最起碼要兩科語文D, 兩科平均C或以上更佳. 除非你想讀中文系或者你讀中國文學會有好好成績可以幫你上大學, 否則讀中國文學對選報傳理無乜作用. 傳理/新聞歡迎文、理及商科學生報讀. 既然大學傳理系無對個別科目(語文科目除外)有特別要求, 即係睇你成績及面試表現較多, 多過睇你讀乜科. 所以中文及英文唔係好得就努力操練下.
仲有, 我唔知有乜原因驅使你想做新聞工作者. 新聞工作者係辛苦(因為要經常跑新聞趕死線)、工時長及人工低的工作. 唔好以為只係以為新聞工作者只係每日坐起直播室讀下稿, 甚至係發下明星夢先話想做新聞工作者. 我建議你先了解下傳媒呢個行業, 了解多點後才決定自己適合做甚麼職業.

自己的意見:
經濟or會計or物理(選其2)+ 傳理(你學校有冇得揀?)
最重要接自己興趣
P.S 經濟同會計雖然中3冇接觸, 但實況唔難
希望幫到你=]