其實蘇聯的將軍係唔係\”神\”?

炮兵兄既問題幾有趣。坦白講，我同炮兵兄既想法一樣，我從來都唔覺蘇軍有幾多猛將，不過朱可夫例外。呢個仁兄係真正既精兵良將，記憶中佢有係哈勒欣河戰役打過關東軍，該場戰役蘇軍全勝，關鍵係蘇軍既裝甲部隊，而朱可夫係蘇軍裝甲部隊既靈魂人物。

蘇德戰爭初期，列寧格勒城被圍攻至幾近破城，史達林立刻派朱SIR去坐陣，德軍既圍攻立刻被遲滯，該城因為咁先至有得捱落去。後來朱SIR親自坐鎮莫斯科抵抗德軍，而德軍亦真係被擋於京門外，呢次亦係納粹德國陸軍首次戰略性停滯，呢啲都與朱可夫直接有關。

至於其他“乜乜夫”大將，的確打得麻麻地。後來做左國防部長既崔可夫，係蘇車名將，但佢其實係坦克消耗天王，據聞佢可以係一日既攻勢內損失800架坦克，可以咁樣浪費裝備，你同我都識做大將軍啦！

羅斯米特羅夫係有名既裝甲軍團長，但其實佢一樣損失慘重。羅斯米特羅夫係第五親衛裝甲軍團司令，呢個係蘇軍攞得出最好既部隊，但係打庫斯克時，被德軍黨衛裝甲軍及第四裝甲軍團打殘，損失係敵人既幾倍，我都唔覺佢好勁。

俄國人靠美國援助,天氣,地大,生產力,人勁多先可以最後慘勝德國人,講裝備質量,德國人係最好,但係生產力,資源,人力,後勤就唔及美,俄