✔ 最佳答案
沙巴即係馬來西亞啦﹗若果你買中國野就似乎應該唔係咁受歡迎,因為當地都有唔少中國人。不過,你話想買筷子其實都係唔錯既建議。30蚊樓下?事問今時今日既香港有乜可能仲可以買到30蚊樓下既禮物?恕我直言,好難買喎。
我有個建議就係等去到機場時先買禮物,因為最近我去旅行時係香港機場見到一點好得意既鎖匙扣。既有香港特色價錢亦唔算貴,有40幾蚊-60幾蚊。例如﹕蛋橽、雲吞面、奶荼以及叉燒包、蝦蛟、燒賣等各式各樣既匙扣或電話繩。如果想有中國色彩點既話就有一連串既熊貓匙扣。好靚架,又唔算貴。
其實食物都可以架,你可以買一點乾果做手信。例如﹕芒果乾或士多啤梨乾。不過就貴少少,但都唔過100蚊。呢點食物一定唔會臭。記住唔好買牛肉乾,因為馬來西亞都有大把豬肉、牛肉乾而且價錢便宜過香港。通常只有旅客由馬來西亞買呢點肉乾回港做手信,仲有若果你去埋新加坡既話記得唔好買。因為新加坡既海關會沒收架。(佢地為左令點旅客幫襯自己買肉乾,所以唔會準帶入境架)
另外想提一提你,如果買手信返香港記得買白咖啡同朱古力呀。因為馬來西亞既白咖啡非常出名兼且好好味,致於朱古力雖然唔算好好味但都算出名架。
還有若有陌生人叫你幫佢拎野或睇佢行李,你就千萬唔好應承。因為好容易會比人整估,隨時可能冇左條命。可能對方叫你睇既係白粉…馬來西亞既海關都算嚴,所以要小心唔好帶遺禁品及幫人拎野。(新加坡仲衰過馬來西亞,即使知道唔係你件野,但係你身上或身邊守到都入你數。好多人都係咁無拉拉被問吊)
呵呵…不好意思離晒題。