(急求交通及路線安排!!)想同老人家去睇大佛+動植物公園

應是先去東涌行程較順暢，大埔乘 E41 去東涌，車程 1 小時，360 纜車 25分鐘到昂平，行去寶蓮寺上埋大佛是 30 分鐘，蜻蜓點水式到此一遊後，回東涌地鐵站，要 1 小時；地鐵去中環站 40分鐘，行去交易廣場搭城巴 12號去明愛中心落車 約10 分鐘，從明愛旁邊的忌連拿利，行去動植物公園的側門進入。

不過兩個景點天南地北，要老人家咁樣頻撲法，應仔細考慮！

如果你想同老人家去行下，我提意你搵某些一日遊旅行團，都有幾個地方去，有些都會去大嶼山，有包食，至少吾需要諗搭，有旅遊巴坐，百幾蚊2百蚊就有交易，好個自己搭黎搭去，其實你可以睇下自己邨有無議員搞下呢d活動。

兩邊都冇乜所謂，我建議你大佛先，之後再去動植物公園。

大埔去大佛，可以搭龍運 E41 ($13.6) 入東涌，東堤灣畔
落車。之後穿過對面的東堤灣畔，行去東薈城的嶼巴總站。
你可以選擇在對面搭昂坪 360 纜車 (較快及舒服，不過較貴，
同埋唔一定有服務)，或在巴士站搭嶼巴 23 (較平，較慢，
但唔會經常無服務) 直達昂坪 (大佛)。

搭車方面，你要預大約 2 小時，之後再預 2-3 小時參觀。

然後去動植物公園，搭纜車或嶼巴 23 返東涌，然後搭
地鐵 (東涌線) 去香港站。行上去的話都幾辛苦，尤其是
帶住老人家去行。我建議你去 B 出口對面的交易廣場
巴士站，搭城巴 12 ($4.3)，堅道明愛落車。行返後面就係
動植物公園。

呢度搭車大約要 1.5 小時，再用大約 2 小時參觀，
如果要入黑前參觀哂兩個地方，我諗你要朝早 9:00
左右便要出發。

最後，動植物公園返大埔，可考慮行落中環，在
皇后像廣場搭 307。又或者在公園東邊出口 (花園道)
搭 103 返紅磡，再轉火車返大埔。