健身男 ,麻煩你入黎答答我丫 ..thx!

我想用呢2星期 ,係 gym rm內減得最多

正常而健康的減肥方法，每週最多只能夠減兩磅，要超過呢個程序的話，莫說很難，就算得都會傷身的。

換句話說，你就將自己的目標訂在兩週合共減四磅吧。


我次次都係用跑步機... 次次都30 mins ..
不過去左咁多次( 7-10次) 都冇廋:(

唔知的個機的速度如果呢？一般要有效減的話，就要將自己的心跳率提升到 targeted heart rate。

你今年十來歲，targeted heart rate 就要 135 - 140 之間，你將雙手搾住跑步機枝 BAR，就會自動顯示出來了。

唔夠呢個程度的話就要加快 d 個跑步機，不過一般人用 6-7 的速度都 ok 的。

另一方面，我唔係太瞭解你過去的 7-10 其實即係有幾密。要有效減肥，最好係每週要做 3 次，明白麼？

而且每次 30 min 只算係麻麻地，加到 1 小時效果會強很多。


其實跑步機對減下身作用大嗎?

很有效的，你放心繼續好了。

其實所有減肥運動都係會一次過減晒全身，而肥胖的部位又會自動減得多 d。相反，世上沒有局部地區成減肥的，不能控制只單獨減某些部份。


我見到d 人係跑步機上急步行 ...
想問跑定行有效D?

一定係跑有效得多的。你見 d 人急步行，可能有第二 d 目標，也可能是跑完後的 cool down，而過重的人 (不一定是肥胖，大隻佬往往也屬超重的) 也不而跑的，因為會傷膝蓋，所以只可以急步行。


同埋有咩方法可以唔減埋胸?

呢個問題比較難答。

正如上面所講，減肥係會自動減全身的，無得控制只減某些地方，所以多多少少會連上身都減埋。

另一方面，又唔需要太擔心胸部的問題。以我自己的觀察，只做帶氧運動好少話搞到連胸部的縮小的，唔係話完全唔會，只不過唔明顯囉。而且燒脂後自然會有條腰出左來 (減腰的程度必然遠多過胸部的)，相對還會凸顯出胸部線條添~

順帶一提，跑步時記得要穿承托力好的胸圍，女士內衣專門點就有，可以 support 得好 d，運動時無咁晃動，而且避免年紀大時的下垂現象。


佢個度都有得學dance ..知唔知咩dance最易 + 可以消脂?


dance 我唔係咁熟，不過 gym 的 dance 都會列明難度的，初學當然要揀入門班了。

至於減肥功能，dance 也很有效的，因為都係帶氧運動，而且一堂都普遍跳成個鐘頭，足夠有效燒脂了。

如果真係要比較的話，跑步的效果會比 dance 強，不過 dance 會有趣 d，自己選擇好了。