4月跟團去歐洲

基本上，歐洲既天氣四月份都仍然有寒意架。(就算五月份-六月份仍然是凍凍地)除了意大利及瑞士外，其他你講既地方都唔熱架。尤其是英國即使到6月份仍然只得10幾度咋。
今年天氣返常，可能更加凍。不過，領隊會跟你講要注意帶咩去架啦﹗所以不需要担心。
1.其實雪山唔係想像中咁凍，只係雪山內有一個山洞先係最凍。着件厚褸就夠晒。
2.係香港既銀行換歐羅及英磅就可以啦﹗唔好係香港機場對換，因為唔抵。(現在換就抵好多比係前幾年，一路跌幾抵呀。)換幾多先夠？好難講喎？每人用錢既要求唔同，但我建議換多少少歐羅唔駛咁多英磅，仲要最好有少少瑞士法郎。因為上雪山有野買架，好似雪糕咁，用法郎抵好多。英磅就因為相信你應該是最後一站留英國，最多只有兩日一夜既時間，所以唔駛換咁多呀﹗不過，應該導遊可能會帶你去一些自費節目？例如﹕温沙堡？由於領隊要請多個當地導遊給大家講解什麼值得睇？所以必定會比入場費收貴好多。
幾年前我就要比大約400幾元，但原來入場費只需9.5磅。不過值得架，有導遊講解好過自己四圍遊。又好似大英博物館，不收入場費的。但請多個導遊所以又要比錢，大約都係400幾元左右。
其實歐洲都幾多自費節目，意大利既遊船仔、法國既羅浮宮。
但風儉由人，兩個人換25000蚊乜都夠。
3.普通食午餐都幾貴，大約60幾蚊左右一個人。尤其係意大利就最貴，一支水都成2.8歐羅。入超市買就平好多，1個幾都買到。歐洲冇乜野值得買，朱古力就最多，尤其是比利時既古力就最抵。但唔好食。(個人認為，但做手信最好)
4.手袋係意大利買咪平過香港少少囉，但唔值得買。因為香港乜都有。
5.應該唔係，冇乜人再好似以前咁係瑞士買勞力士架啦﹗因為香港都有。(話就話有得退稅，其實岩人架。填左都冇晒下文…。)
6.英國温沙堡、大英博物館、凡爾賽宮、羅浮宮，其他既都唔值得去亦冇乜值得買。(除了温沙堡既毛熊仔外)

2010-03-20 10:44:12 補充：
不客氣啦﹗^^
其實歐洲所參觀既差不多全部都係教堂，睇到我悶呀﹗不過，未去過都應該見識人家的建設。裡面陰陰沉沉，夏天真係好涼快。尤其是梵蒂岡果間野，如果你既領隊是有料既話，佢應該會介紹得好長細。第一站應該是由英國轉機去意大利既梵蒂岡吧？威尼斯真係冇咩野睇，如果肯比錢既話先有得坐船仔，但不坐也吧﹗條威尼斯河好臭。(但亦應該試坐吓，雖然唔抵坐)法國既香謝麗 捨大道點野就夠貴啦，但條街污漕到死。除了睇教堂、巴黎鐡塔睇及夜遊巴黎河再吃返個鍋牛餐外。都冇乜好睇。

2010-03-20 11:00:02 補充：
瑞士人人都話靚，但我個人睇法覺得一般。個雪山亦唔見得好靚，街道亦冇乜值得買，誰死的獅子人地話佢既神態似人喎？若果五月份更加熱到死。歐洲所有酒店都冇冷氣架。
比利時，就應該帶你去參觀滑鐵盧館，裡面有好多朱古力賣，但唔好買。因為好貴，領隊應該會帶你地去街道上購買，成條街都係賣朱古力架，好便宜。仲可以試買出名既格仔餅一吃，果樣好靚但味道一般。(應該現在都係賣20-40蚊港子)比利時既語言是荷蘭及法文仲有少少德文。
荷蘭，成條街都係賣荷蘭鞋及風車，仲有芝士。

2010-03-20 11:10:40 補充：
如果你能夠停留係英國住上幾天既話，當地都有好多野睇。好似到一些古堡參觀、坐coach或地鐡、火車到一些出名既地方遊。如﹕牛津街及劍橋。更可以係唐人街找一些本地團去蘇格蘭玩上五天。Primark百貨公司裡既物品都好便宜好過你去harrods購物，雖然佢係全英國最出名既百貨公司。但超貴，唔抵買。
忘記話你知，歐洲的公共洗手間幾乎全部都要收費架，約5毫歐羅。

4月去巴黎,著短衫短褲去就得