開台式飲品店的需知

如果係第一次創業，建議多作research。例如銷售對象，售賣食品之種類(除了台式飲品之外還有沒有其他食品或飲品)，價格，地點等都需要作出考慮。

如果完成上述考慮後，建議就自己所有之資金作出評估。確定實行之可行性。亦要就所需要用之金錢作出預算。其間需要睇下你用咩機器，入貨來源等等．．．

之後搵地方，由於你係經營飲食業，所以必須要搵人流勁的地區，但相對租金亦會比較貴。一般旺區的地舖租金約數萬元，建議可找地產經紀到各區先留意一下。

定左地方之後可以搵各種承建商(包括裝修，鋼具等等...)，可以多搵幾間以作格價之用。如果你經營麵店，裝修從簡的話，價錢由數萬元至十萬元不等。基本必需要的項目如下：
-招牌
-來去水位
-牆身圍身
-地台
-供電等...

台式飲品店一般來說可以因應你經營之模式而考慮申請以下2種牌照:

1. 小食食肆牌照。如果有堂食的話可以申請此類牌照。

2. 食物製造廠牌照。如果只作外賣的話就可以申請此類牌照。

申請手續相當簡單，可以到食環署dl申請表格，填妥後提交至相關的食環署牌照部。食環署牌照部主要分３區，分別是：

1. 香港及離島區
2. 九龍區
3. 新界區

申請表格及簡介: http://www.fehd.gov.hk/forms/licencec.html

預祝你創業成功，生意興隆。

希望可以幫到你。

2010-03-21 15:16:09 補充：
另外亦有點意見供你參考, 我有個客戶亦是在學校及住宅區開台式飲品點, 有幾點需要注意的項目:

1. 淡旺季: 夏天賣凍飲的生意會比較好, 相對冬天時會比較淡, 所以冬天建議要賣熱飲或其他小食幫助生意額. 而學校將於夏天放長假, 所以亦要留意一下人流方面的問題.

2. 員工人數問題: 相信你會比較偏向做外賣形式, 所以要留意員工人數之安排, 因為做外賣沒有"落場"時間. 另一方面, 建議不要賣太多種類之飲/食品, 一來可能沒有足夠時間預備, 亦會增加入貨的資金. 亦不可以太少選擇, 要取個平衡. 這一點需要時間去慢慢評估.

2010-03-21 15:16:15 補充：
3. 店舖是否合適: 人流估之然重要, 但亦要視乎店舖外是否一個合適的落腳點. 例如店舖門外是一條非常繁忙的街道, 人流當然強, 但亦因為人太多的原因, 有可能會令客人被路人推撞. 最好情況是店外有比較闊的行人路, 又或是有一個空地, 形成一個落腳點.

希望小小意見可以幫到你