到底腸粉係用咩做?

只係腸粉 (未加其他食材，例如叉燒 / 牛肉等) 主要由米漿所做，而米漿則是用白米做成的。

不過為了令腸粉滑溜，製作過程會加入油，進食時亦必然會醮豉油和油的。

所以，腸粉主要能夠提供碳水化合物和脂肪，而且一般人好少話一次過食好多腸粉的。所以原則上唔算好肥。

其實肥唔肥，唔可以只睇一種食物，而係要睇你每天整體營養攝取和運動量，並非單一睇某種食物 <肥唔肥> 就能夠控制體重的。

就單以食物來講，好多時食物本身唔肥，但烹調過程落好多油，結果都係肥的，所以也要留意烹飪方法，應該選清淡的，例如蒸，灼等等。