波子魚魚糧問題

1) 想問波子魚有冇話要食咩特別既魚糧架?

其實魚糧主要分左幾大類,
熱帶魚糧
花羅漢糧
金魚糧
錦鋰糧
短鯛糧

波子魚自己就無一種專用糧既,
都係用返熱帶魚糧,但通常惡魚都未必食魚糧,
建議你試餵豐年蝦、紅蟲等,易令佢開口食~
唔關太飽事,而係佢對魚糧無興趣~

2) 係咪有水草就唔洗bum氣入水到架喇?

通常新手極常犯呢種錯同誤會,
以為水草一定要氧氣出,其實係根本唔會有氧氣出,
問題係你有冇提供co2、光同養份比水草,
少左二氧化碳其實係好難令水草釋放氧氣,
而有養特別買co2樽等器材為水草供應二氧化碳,
主要係想令佢「嘔泡」,姐係令佢釋出氧氣,
果時先會有,只係令佢生長都唔會有足夠氧氣比生物用~

如果用氣泵的話,我建議你不如用濾水器,
既做到過濾,又可以供應氧氣,係一舉兩得~

波子魚其實要求唔高,而且好容易就繁殖到下一代,
所以無特別野可以講,跟日常養其他魚都差不多養法~