撻唔著架車

由於你話所有電器都開唔到，所以我會認為係無電，
先花20蚊買隻萬用錶，度下舊電有好多Volt(電壓單位伏特)，
如果低過10.8v，都可以唔洗點搞...買過舊好過...
如果10.8~11.4v既話你可以試下搵人地部車用過江龍幫你撻著部車
著左車之後唔好著任何電器包括燈，由得佢停係到怠速行返十幾分鐘...
都無問題啦，先離開停車場正常行車，行佢一段路程(20km或以上)俾佢叉電，
之後返返去停車場先好熄車，熄車之後等十幾分鐘再度下電壓，
應該係12點幾v...如果都係低過12，舊電可能已經嚴重老化，
要換過一舊了...
就算叉得返過12v，你都要搵個人幫手，你度住電池既電壓，
而佢就幫你撻車，睇下撻車到著車期間，電壓跌到幾多，如果跌破10.4v
就代表舊電已經老化，有心理準備隨時要換了
(呢個就係死之前既徵兆之一...撻車時都會聽到無乜力...緊緊夠撻得著咁樣)

如果舊電你度落去超過11.4v，但係一扭匙電壓就勁跌既話...
咁好可能係乾左水...如果係既，加返蒸餾水，搵人幫手用過江龍著車，
之後等佢叉電，之後再睇佢得唔得...

如果係因為無熄燈之類扯乾舊電，如果兩三日內叉返既話，
其實都好有可能救得返，但係放得耐先叉返就機會細好多了

一般電池2~3年就要換一個...保養得好就或者會長命d...

2010-03-24 00:00:10 補充：
上面既『度下舊電有好多Volt』打錯字...
我係想講『度下舊電有幾多Volt』

2010-03-24 00:03:40 補充：
再補充，如果你度電池電壓有12v或以上，扭匙後電壓都仲係咁高無跌，著任何電器無反應而電壓亦係無跌，再扭匙撻車都係無反應電壓亦無跌，咁就唔關電池事而係其他問題了

樓上兩位師兄都答得好好.我多手啲寫多少少比你知,會有其他問題都會無電到.希望你明白同幫到你啦.
1. 電池老化.(兩位師兄都答咗你)
2. 回差不足 (一般係熄匙後忘記熄灯,或者經常開大車机)
3. 接觸不良 池頭位氧化或者無收實
4. 漏電 電線短路
5. 打藍磨出問題 無碳精,燒電路或線圈
6. 燒fuse
舊電要唔要換？其實開部車(如果可以)去賣電啲檔口,或者攞舊電去揾師傅幫你跟吓,就知打柴未.
一般電池都好易打理.環保電(睇吓個窗仔有冇由綠變黑,電池頭有冇鬆有冇氧化)
水電(睇吓啲電池水位電極板,同電池頭)

冇電呀. 如連防盜都冇埋. 一定係冇電. 換過舊電磁 ok ka lak. 如日本車一般 $450 咁上下. 通常舊電可用到 2年咁上下. 視乎你架車多唔多電玩 / 電子野呀咁. 又或你成日停左車唔熄匙又聽歌之類. 都會用得快 D. anyway, 一般年半好換定啦. 否則電, 先黎拖車或搭過江龍仲衰! 又要用多 D 錢嘛.

是無電。
基於你是二手買回來，所以很大機會要更換電池。一般電池祇可以使用2-3年，但如果你不確定該電池是否有效，可先用過江龍打著部汽車引擎，使用半小時以上，看能否叉到電池。