有關法律問題有關租約舉報

1. 業主與租客簽訂一張萬三租金租約, 但實際只收佢一萬, 本身並無犯法. 例如你去買$1000生果, 檔主見你係大客, 收你$900, 你情我願, 並無犯法 (坐的士除外, 哈哈…).
但如果業主向第三者表示佢實收萬三租金, 從而令該第三者付出某價錢購買該物業, 而第三者如果知道租金不是萬三就不會用此價錢, 即係業主以欺騙手法騙取買家額外多付之金錢. 咁就犯咗香港法例第210章<盜竊罪條例>第17條 - 以欺騙手段取得財產:
任何人以欺騙手段 (不論該欺騙手段是否唯一或主要誘因)而不誠實地取得屬於另一人的財產, 意圖永久地剝奪該另一人的財產, 即屬犯罪, 循公訴程序定罪後, 可處監禁10年.
如果業主有向買家出示租約, 就犯埋香港法例第200章<刑事罪行條例>第73條 - 使用虛假文書:
任何人知道或相信某虛假文書屬虛假, 而使用該文書, 意圖誘使另一人接受該文書為真文書, 並因接受該文書為真文書而作出或不作某些作為, 以致對該另一人或其他人不利, 則該名首述的人即屬犯罪. 一經循公訴程序定罪, 可處監禁14年.

2. 業主係訛騙, 並非貪污. 如要舉報, 應向警方舉報比較適合.

3. 租客如果不知情, 不會入罪.

4. 既然不會告租客, 租客何需 “轉做污點証人”??!!

2010-03-18 17:35:36 補充：
1. 行入灣仔警察總部報案. 搭車去都得.

2. 你情我願只係適用於無欺詐嘅情況下. 只要買家俾貴四百萬時係基於佢提供嘅租值, 咁已經係欺詐.
舉個例: 曾有案例, 有人在申請貸款時無如實填上欠債紀錄, 結果無錢還, 財務公司就報警, 話佢詐騙同行使假文件. 理由係財務公司話如果知道佢另外欠咁多人錢, 就唔會借錢俾佢. 結果條友判咗8個月監.

2010-03-21 09:22:56 補充：
"...如果件事爆出來，個買家話我覺得直呢個價咪得囉！咁我咪做了攪屎棍..." - 無錯
"...將件事講比買家知，等佢自已決定..." - 贊成