報高考問題 .( 20點)

non-jupas對象係用CE&AL以外學歷(例如: 高級文憑、副學士及外國公開試成績等)報讀大學(不包括公大及樹仁)的人. 如果你只係得CE&AL學歷, 就唔可以報non-jupas(除非你用年長生身份報名), 所以JUPAS係唯一方法.
JUPAS方面, 因為你第一次考AL係用自修生身份, 所以你必須先留意校本評核點計分, 有D可以自己交習作, 但係有D要你用學校考生身份考過先比你報某科. 還有, 你做左part-time之後仲會唔會keep住你AL讀書的那團火? 有D人一知道要重讀就會點起那團火, 但之後就慢慢熄滅, 到考AL前先識驚, 最後就考得唔好. 而且, 自修唔係好似學校咁有人教你及迫你溫書, 你要識得擺脫任何引誘迫自己讀書. 好多時自修生AL考得唔好就係呢個原因. 仲有, 萬一AL考得唔好, 你將來打算點做?
non-jupas方面, 每年11月至3月就可以申請. 因為non-jupas唔係好似jupas咁所有大學聯合招生, 每間大學有各自的收生日程. 教院、中大(優先取錄計劃)及科大會較早開始, 通常係12月或1月就會截止, 其次係浸大、理大、港大及中大, 1月中至2月初就會截止, 嶺大通常3月尾, 城大每個課程deadline唔同, 佢網頁有講截止日期.
表格可以網上填或者去大學索取. 書面申請就連同表格、其他文件副本及銀行入數紙寄去或自己(或授權他人)交去大學指定部門(申請指引會寫), 網上申請表可以去大學admission網頁找到, 網上填寫好後才submit, 報名費用信用卡交. 我會建議網上交表, 因為報名費會平D.
你要親自向院校提出入學申請, 申請一間院校就填一份, 如此類推. 例如你想申請理大就要去理大拎表之後交去理大, 或者去理大網頁填表交表, 其他大學做法差不多.
non-jupas所填申請表通常要你填個人資料、課程選擇、就讀學校、公開試成績、工作經驗、課外活動、獎項, 有些會要求你答一兩條問題(例如選擇課程原因、期望等等), 甚至寫Personal Statement, 以及交學歷及獎狀證明文件.
面試方面, 唔係所有課程都會有面試. 如果課程有面試, 大學會先作初步篩選, 之後就會通知合適人選去面試.