✔ 最佳答案
問題重點落於利用家人資產作抵押,去借貸(加按)換取一個上車機會,咁做到底係咪化算?
2010-03-16 23:44:28 補充：
係咪化算,唔係咁簡單可以非黑即白,或者點做先係最好,就咁可以做一個決定,如果可以咁做,呢個方法已經好多人做,係人都識做.首先,我其實唔太明白你所表達出既經濟實際情況,你到底係有錢定係冇錢做首期,咩野係用哂儲蓄就得番幾萬?d儲蓄用左去邊?如果用哂落家人果層180萬既樓,然後又加按,就真係莫名其妙.
不過我地依然可以討論下.
2010-03-16 23:51:25 補充：
從現金流去比較兩個做法,假如你租樓支出1萬,而你利用家人資產加按做首期,買回租緊既單位,我相信你要支付約萬五作為住屋開支,因為照計你要比埋家人所加按部份既月供金額,即係兩邊比,如果你話家人會自己供番,咁只係家人補貼你,呢個情況當然化算.
正常情況下,由你家庭負責全數開支,即係你既住屋開支會增加,你個女咁細,佢既開支亦只有增無減,於是你要計番,目前你地既家庭總收入減總開支後,有冇錢剩?
2010-03-17 00:01:20 補充：
假如有1/3剩下來,咁樣買樓比較安全,因為你仲有空間去面對加息,同埋女兒開支增加,另外係,你地過去既家庭開支係咪都幾平穩,控制消費有助財政預算,特別係供樓既頭2年.
化唔化算,另一個睇法係,到底幫人供樓(租屋)係咪唔底?呢個係關係在時機問題,如果租金一直上升,你愈早買當然愈好,但萬一明天樓價就開始下跌,你就會覺得租樓住係好d.買樓同租樓,其實係冇一個絕對既好與壞,假如以使用權黎計,你一生人都只是租樓,而一生人中大部份時間都係租平過供,而多出黎既錢,其實又可以作其他投資,講回報唔一定係差過買樓自住.
2010-03-17 00:12:05 補充：
自住不動產既好處,就係強迫每月投資,頭先講到,你可能有時會租平過供,咁多左既錢,其實大部份人都係洗埋,冇去做具有複利效應既投資,所以買樓自住好過長期租樓只係錯覺.舉個例,你只能再活多20年,你會選擇付首期買樓,定係會租屋呢?
化唔化算,又係一個要間屋,定係要一個家既問題.買樓自住,係安穩d,呢個我唔反對,我唔會叫人長期租樓,但點解咁多人愈升先愈買?今次推出居屋果4000個貨尾,我估會唔夠賣,10年前,呢批樓係求極都冇人買,同地區,同地點,圖畫依舊,只係氣氛唔同,樓愈貴,愈多人怕唔再買唔到,愈多人咁諗,樓就愈來愈貴.
經濟有周期,無論你決定係點,記住點都要接受,唔會回頭想當年.
