二戰德軍有咩出名的暴行?

✔ 最佳答案

炮兵兄類似既問題我之前都回應過，小弟始終認為納粹德國既所有暴行無可能唔關陸軍事，明顯呢啲係陸軍將所有責任推到黨衛軍身上既卑鄙行為。關於德國陸軍既暴行，小弟所知不多，但有兩個傳聞可以講下。

首先係納粹德軍妓院既問題。據聞以前德軍係法國大後方有搞過類似日魔慰安婦既變態妓院。基本上兩者無咩分別，只不過德軍慰安婦變左法國女人而已，當中既故事自然與日魔慰安婦一樣都史上最下流賤格，小弟對當中既詳細情形實在無甚興趣。

另一單係蘇聯平民既傷亡。眾所周知，蘇聯係二戰死傷接近二億人，當中絕大部份係平民，當然更有賤格牟利為德軍辯護話蘇聯平民既傷亡絕大部份係黨衛軍既暴行，而根據我自己讀過既史料，亦相信黨衛軍要負部份責任，但我打死都唔信德國陸軍一啲責任都無，而且仲要肯定要負主要責任。因為有好多史料都記載蘇聯人民曾經當德軍係解放者，但好快德軍既暴行就令絕大部份蘇聯人決定同共產黨共存亡。咁已經講清楚成個問題。德軍侵蘇主力係乜部隊﹖當然係德國陸軍部隊，而且蘇德戰爭開始於1941年中，當時黨衛軍規模好細，得幾個師，但侵蘇大軍超過160個師，咁你估下開戰幾個月至一年後姦淫虜掠等暴行會主要係由陸軍定係黨衛軍做出來﹖從另一個側面亦可證實德國陸軍一樣咁賤格。東戰場係戰爭後期滿佈反德游擊隊，呢啲游擊隊係以所有侵蘇兵力為打擊對象，無特別針對黨衛軍。雖然反德游擊隊要服從命令消滅所有侵蘇力量，理論上唔可以特別針對某一類人，但當時真實情形係所有親德力量都受到蘇聯正規或非正規兵力既殘酷打擊，而且戰況永遠慘烈，如果話蘇聯人特別針對黨衛軍絕對講唔通，至少佢地對於所有德軍部隊一樣痛恨。

另外，史實亦證明德國陸軍絕非善類。列寧格勒(Leningrad，即係依家既聖彼得堡(St. Petersberg))既圍攻係二戰中最殘酷既戰役之一，共有過百萬蘇聯平民被餓死及凍死，當中包括大量老弱婦孺，而攻方主力北方集團軍所有部隊都來自陸軍(應該無記錯就係，但距離史實不遠)。大量女人及小孩甚至要係零下三十幾度既低溫下到城外圍幫忙修築工事，但德軍照樣發動攻擊不誤。好多女人及小孩就係直接被殘酷德軍擊斃。最重要既係，德軍圍困呢個城超過兩年半，我從來未聽過德軍任何方面曾唸過向天可見憐既被圍人民放出善意，例如利誘投降或建立一個比共產黨管治得更好既區域去瓦解蘇聯人既士氣等。係接近一千日既圍城戰中，德軍無時無刻都只想殺更多蘇聯人！而且包括嬰孩老人家在內！德軍完全無“圍城必缺”既想法，係滅絕人性既無限制硬攻下，列寧格勒既蘇聯人民只有變得愈來愈堅強，因為佢地根本無可能期望敵人有任何一絲憐憫！所以當大家讀到關於呢場圍城戰既史料時，你會發現德軍無論如何硬攻都無法逼迫列寧格勒向後跳落波羅的海，因為佢地寧願死都唔向德軍投降。蘇聯最高指揮當局亦清楚呢個情況及德軍既愚行，所以史達林適時會派足夠既兵力及良將，如朱可夫去瓦解德軍既進攻，到最後德軍終於兵敗如山倒先至放棄該城。

其實列寧格勒既故事係當時東戰場可謂無時無刻都係每一處上演，而呢啲暴行絕對與德國陸軍有關。可能德國陸軍內部會有一啲人，甚至係高級將領反對類似暴行，但形勢比人強，呢小部份人無法改變德國陸軍整體變態既事實。

回答 (3)