自己驗到有咗bb,跟住點算?

你想去政府醫院生既，就要去普通診所驗孕，拎到一張證明你已懷孕既轉介信。拎住呢封信，你可以選擇去你住果區既政府醫院或者健康院登記

去政府醫院登記既話，可以即刻知道到你預產期果時有冇床位。(你一驗到就去登記多數都有位) 有床位既話就會安排你大約12週既時候進行第一次產前檢查 (有D醫院多人D既就可能會再遲D，不過而家已經停止接受非香港居民登記，可能又會快D) 至於之後要唔要到健康院做檢查，就要睇個別醫院既做法，例如QE就會係醫院檢查兩三次，正常冇咩問題就會轉去健康院做檢查。而廣華就會一直係醫院做檢查，直至生為止

另外去健康院既話，你去到都一定會幫你登記。而每間健康院都會同一間政府醫院有聯繫，你去A健康院登記，多數都會去番佢聯繫果間醫院生BB。不過因為健康院要預留床位既方法係儲起一疊文件咁SEND去醫院既，所以就唔會即時知道有冇床位。萬一你遲左去登記，醫院真係唔夠床位，係健康院登記既孕婦就要揀過第二間醫院喇，呢方面就會比較麻煩D

而去健康院登記既話，多數一開始都係健康院做檢查。但係都會有機會去一次醫院，因為需要照一次超聲波。冇咩問題既話，就會番去健康院檢查，直到生為止

無論去健康院或者醫院登記，都一定要帶證實已懷孕既轉介信、孕婦同丈夫既身份證明文件同住址證明。醫院基本上係辦公時間都會接受新症登記，而健康院就多數會分新症登記時間，所以最好預先CHECK清楚

最後提你既係，去醫院做登記有個好處，就係有D有限額既普查，例如係廿週結構性超聲波普查，因為有限額既關係，一般去醫院登記既孕婦都可以參加。而去健康院登記既，可能去醫院做檢查既時候，名額已滿，咁就冇得免費做結構性超聲波檢查喇

我都係生左3個月的媽媽,你自己在家中驗到有,你都要去私家醫生驗多一次,你要得到醫生信,先可以去政府醫院到登記,我都係去附近的普通醫生到驗,有信之後,你可以去你家附近的母嬰健康院登記or直接去政府醫院登記,但多數政府都會叫番你去母嬰健康院登記,你可以自己一個去or同你老公去都得,如果自己一個去,你就記得帶你老公的id copy,都要填好多野,填完from之後就要見醫生做檢查,之後所有檢查都會在這間母嬰健康院la~

由於你係自己買驗孕棒驗到有咗 , 但係你都要去平時個d診所再驗多一次
confirm係咪真係有咗架, 如果你本身都驗到有左 , 去邊間驗都會驗到有架喇所以吾洗特登搵婦科醫生~~你去到驗完 , 之後佢就會寫紙比你轉介你去健康院