請幫忙解答以下問題

唔好自已嚇自已住，第一，境觀對人必有心理影響，但一般只要境觀舒服已經好好，(須知好多人屋企境觀認真麻麻)。第二，凡望山者，山型靚兼青葱翠緣為吉，以尖削岩巉少樹木為凶。第三，正统風水講求巒頭(屋外一切可見之環境)與理氣(屋內不可見之各種能量)相配合，如適宜有山(理氣之旺山)之方向而真係配到靚山，就為之very good.但理氣須由屋之坐向決定，現在雖然無從判斷理氣，但貿然話客廳望山就風水唔好實非常武斷。第四，至於風水講嘅背山面海，是非常非常非常基本要求，但實際並非一成不變。香港為近海平洋地，平洋以水為龍，陽宅以得水為上，藏風次之。妳唔見西九機鐵站上蓋物業，有咩背山可言，一樣大旺，少D身家都休想住上去(上述物業乃得水也)。雖說水之力量遠大於山，但山點都有一定能量，尤其影響人丁，包括健康、質素、安定性及後嗣延續等。因暫時無法判斷貴宅是否風水唔好，千祈唔好受片面之言影響(包括上述)，自己嚇自己，只要住落平安，無咩問題就無須特別化解或揾人睇風水。

2010-03-16 22:11:06 補充：
想補充少少，凡城市多層式大廈絕大部份為坐空設計(即無靠山)，我夠膽話平洋地坐空絕對無問題，無須特別補靠山(亦唔見得事業不利)。例子數之不盡，有紅磡海明軒，翔龍灣，名鑄，奥海城等等(無靠山可言)。至於太古城，中環半山住宅等，一言道破，他們乃住在"島上"。凡住在島上者，自然容易背山面海，南丫島長洲背山面海屋數之不盡，但論風水豈可同九龍港島相提並論。陳X雲住嘅雅麗居正正後有靠山(真山)，結果如何呢？如果有人話擺乜乜可以補靠山都得嘅，不如叫陳生試吓喇.....佢實會感激不盡....

Emma 你好, 玄空之學, 先要定向.你能把地址(不用說幾樓) 和單位的平面圖提供一下來定向嗎?還有,這宅是那一年蓋好的. 你搬進了沒有?

不用太擔心.先分析好在說吧.

所謂靠山, 不能只看你一個單位, 而是看整座大廈, 除非你住獨立屋.

即是根據大廈的主要出入口來看, 如果[開門見山], 那就不是靠山, 反之在大廈的背後才是.

至於[面海], 是指明堂, 用作聚氣生財, 即是大門外是否有空地, 如公園之類, 若是車站更好.


如 果真係唔係甘好，解決方法係用[泰山可敢當], 放在屋後.

要覺得舒服, 就沒有問題 OK

另外可以找師傅幫忙一下
劉師傅 : 2653 2193
更加可以風生水起

香港人有幾多真係可以買得起背山面海, 其實最緊要是自己第一眼覺得舒服.