左邊乳頭痕癢, 特別冬天的時候... help!

我 23 歲, 女仔, 左邊乳頭常常都痕癢, 特別是天氣凍的時候, 愈乾燥就愈嚴重, 這個問題已經持續了一、兩年... 有時又好d, 有時又嚴重d, 都唔知去唔去睇醫生好... 有以下情況的, 大家可以為我解答嗎?

1) 只是左邊乳頭會這樣, 由大概 2 年前開始, 每逢冬天都會發出來, 其實我記得是自從 2 年前我去左外國住左一排, 個到的天氣係零度以下, 之後個左邊乳頭就好似開始咁...

2) 每次一發出來, 就會好癢, 以前試過抓得太勁, 抓到損左有小小血, 除 bra 時會見到有d 黃色野, 搞到要貼膠布. 但近呢一次冬天, 佢又發出來, 我就盡量控制住自己唔抓, 咁就冇再出血啦, 亦都冇黃野了, 只是癢和有d 脫皮

3) 我係乳頭邊個d 位癢, 同埋癢個d 位會特別深色, 而且摸落去仲會摸到d 皮膚有d 一條條、條狀咁樣腫起左, 望落去唔知係本身乳頭的紋定點, 會見到有小小白色點, 但呢個我都唔太肯定... 我會唔會係濕疹...?

4) 通常都係冬天先會嚴重d, 到夏天又會冇乜野, 不過就硬係唔會完全好番... 一到冬天又痕過...

5) 我都有驚過自己係咪乳癌... 但係 2 年來, 我個乳房形狀都冇變過, 又冇凹陷, 冇出血, 乳頭冇液體流出(係以前試過抓得太勁有dd 黃色野, 但近呢次冬天, 唔抓佢就已經再冇野流出來啦), 我都摸勻晒都唔覺有硬塊.... 雖然個左胸係大過右胸, 但係我由細到大個左胸都係大d ge... 所以都應該唔關事... 但都會擔心自己係咪有乳癌... 你地覺得我係咪有乳癌呀....

6) 通常我冬天, 如果 keep 住每日搽d 橄欖油係個乳頭到, 或者搽一隻我表姐俾我ge 藥膏(佢係護士, 話隻藥膏得 0.05% 類固純), 就會好好多, 總之搽d 好滋潤又唔刺激性ge 野就會好好多.... 甚至係可以全日都唔痕, 但係個個位d 皮膚就硬係摸落去好唔平滑, 即係點都唔可以完全好番...

7) 搽左d 滋潤野會好d, 但係每次一到沖涼, 一掂到暖水 / 熱水, 佢又會好痕, 次次都係一到沖涼就好痕, 但沖完涼之後搽番d 橄欖油 / 藥膏, 就會即刻冇事...

8) 我都有諗過會唔會係d bra 唔岩帶, 但試過去換左d 鬆d ge bra, 都係咁....

這個問題已經纏繞左我接近 2 年了, 每年冬天都係咁, 好煩呀! 都好擔心會唔會係乳癌的蹟象呢... 還是什麼呢... 我也不知道, 如果睇醫生, 我應該是看那一類醫生? 皮膚科醫生可以嗎..?

謝謝解答!!