同內地女友結婚的疑問

本人想打算同內地女友結婚, 不過有好多問題唔清楚, 亦都唔知點解決, 希望有心人可以不厭其煩幫個忙, 詳細解釋一下, 首先, 我女友係內地廣東茂名人(非深圳戶籍), 問題係..
1. 註冊問題, 我想係香港同我女友註冊, 但係我女友之前曾經係內地離婚(未有兒女),
1a. 呢個情況如果再註冊有無問題呢? 手續會係點? 需唔需要d咩文件去做証明呢?
1b. 如果去律師樓註冊需唔需要排期呢? 同埋要用幾多時間去完成整個註冊過程呢? 大慨要需要幾錢呢?

2. 雙程証問題, 註冊前, 我女友嘅証件係自由行, 七日留港期, 假如註冊成功之後, 我想我女友長期係香港同我一齊住, 咁距嘅証件點樣先可以由七日辦到三個月呢?
2a. 需唔需要我女友親自再返去距家鄉(茂名)辦張証先有三個月呢? 還是以郵寄方式可唔可以辦到張証呢? 需要d咩文件同手續呢?
2b. 請問而家係唔係已經由三個月來港一次延長至一年無限次來港呢?

3. 單程証問題, 正常情況下, 我女友係註冊後需要排幾多年先可以取得單程証來港定居呢? 手續過程又係點呢? 時間同費用又需要幾多呢?

希望朋友們可以詳細回答, 謝謝!!