英國倫敦有甚麼地方值得去？

其實倫敦好多值得去既地方，視乎旅程既長短，同咩人去，你地既喜好同budget．如果你唔係去好多日，又或者唔想行程咁趕，提議你主要行倫敦，因為劍橋／牛津／巨石鎮全部都要最少一整日，除非你真係好想，否則就要放棄英國最主要的名勝．我剛剛自由行返黎，同你分享下，你自己再考慮下你既旅程安排啦～

風景：
Stonehenge巨石鎮～
奇境！不過比較遠，距離倫敦2小時火車+1小時van，視乎交通情況，每程大概3-4小時．如果冬天去，要著夠衫，因為空曠，好大風，溫度會再低d．可以自己去，或者join local tour，最平£30有交易．但因為距離倫敦比較遠，果附近住宿／消費唔太貴，時間許可的話可考慮留宿一晚．
比較出名既local tour公司比你參考www.grayline.com.hk/

景點：
Oxford牛津～
個人覺得Cambridge劍橋同Oxford牛津差唔多，只係Cambridge有撐船仔，二選一，我當時選擇左Oxford．Paddington搭火車去Oxford大約2小時，成人£19.9單程，£20來回（哈哈！相差1毫子）Oxford一出站就有觀光巴士搭，載你遊Oxford．但因為唔平，雖然佢途經好多景點，但我地只係想行真係出名既某幾個，所以無幫襯．我同男友兩個拎住地圖行都無問題，唔算好遠．Oxford既College唔對外開放，所以去左Christ church（入場費成人£6），睇Harry Porter拍攝個canteen．仲參觀左裡面同埋對面有間Alice in the Wonderland既專門店．

購物：
Outlet～選擇去Oxford其中一個主要原因係果附近有個好大既名牌Outlet－Bicester Village！響Oxford搭巴士£4，一陣間就到！有好多牌子，Gucci都有，不過款色買唔落手，Burberry，Brooks Brother，Ted Baker，Thomas Pink等等應有盡有
www.bicestervillage.com/

景點：
London Eye倫敦眼～
去倫敦無理由唔上London Eye，夜景真係好靚！睇到河兩岸既景色！最好就先上網book時間，去到攞飛就得，唔使再排咁耐隊．
www.londoneye.com/　

Westminster西敏寺、Big Ben大笨鐘、Parliament議會大廈～
呢三個地方同響附近，西敏寺要入場費£12，但佢旁邊另外兩個教堂就唔使收費．而Big Ben同Parliament都只係外圍參觀，影下相．而Big Ben就係Thames River北面，過條橋就係南邊，行去London Eye都只係5分鐘．

購物：
Harrods～
高檔shopping！一出地鐵站就係，咩名牌都有！就算唔買野，裡面既裝修都好有埃及風格， 行下都好．不過真係好大，行行下就會唔認得路．

Bond Street + Oxford Street～
同樣係高檔shopping！好似尖沙嘴廣東道，又或者中環咁，完全係一條名店街，足足夠你行幾日！大既百貨公司，e.g. Selfridge, John Lewis都響度．

Convert Garden科芬園～
潮人購物．呢度就年輕人購物點，雖然唔係頂尖名牌，但有型有款有特色．仲會有人街頭表演添！

Piccadilly、China Town唐人街～
呢附近好旺，好多各式各樣的商店．China Town就響呢度，有好多中國餐館，茶樓，茶餐廳．不過食一碗粥最平都要£4.5，有間餅舖有蛋撻、咸水角、菠蘿飽食．

Notting hill～
電影摘星奇緣就響呢度取景，一條比較平民既街．街道兩旁有好多小攤檔買飾品、銀器、古董、蔬果檔都有！價錢同香港就無得比，不過行下睇下都係一種樂趣．

景點：
博物館系列
British Museum大英博物館～
英國好多博物館，而大英博物館更係世界三大博物館之一，無論你對藝術有無興趣，都應該抽d時間去行個圈．如果你係藝術之人，可以行一個禮拜你都唔會悶．裡面有好多個展館，分國家／時代擺放好多藝術品，最值得睇既當然係中國館！呢d展品就係當年英國侵略中國時偷既，我諗可見既將來，都未必可以響中國睇到；

Natural History Museum自然歷史博物館～
好多恐龍、長毛象化石，人類發展史等等；如果你冬天去，museum門口會有個溜冰場同旋轉木馬，好靚好浪漫架！

Victoria and Albert Museum維多利亞和阿爾貝特博物館～
世界最大既實用美術與設計博物館，響Natural History Museum附近，地鐵出站一個左，一個右，如果時間有限，可以去行個圈．

National gallery國家畫廊～
鄰近Charing Cross，距離Covert Garden好近．收藏左好多畫！如果你識欣賞或者有濃厚興趣的話，可以行幾日！

2010-03-16 16:48:57 補充：
景點：
Greenwich 格林威治～
唔響倫敦市中心，可以搭地鐵或船到達，約30-45min．最出名係Greenwich observatory格林威治天文台舊址，免費開放．另外當然要去格林威治線影相！所需時間大約半天或大半天．

建議你去程或回程搭船來回Westminster，因為沿途睇Tames River兩岸景色，遠望景點／大廈，e.g. Canary Wharf, OXO Tower, St Paul's Cathedral；隻船又會經過 Millennium Footbridge, the Tower of London, Tower Bridge，夜景尤其美麗！

2010-03-16 16:54:32 補充：
飲食：
High tea～
香港人成日話去High tea，而high tea又源自英國，無理由唔去試下．Ritz hotel既high tea No.1，不過要提早好多訂位．我提早一個星期都無位！退而求其次，去左No. 2既Waldorf，絕對唔平架，約£25一位，但真係好味道．值唔值得就見仁見智喇．

飲食：
響地鐵站London Bridge附近有個Borough market，每逢星期四五六先開，係一個露天地方，好多食物既攤檔．炒飯，響你面前煎牛扒整漢堡飽，生蠔，生果蔬菜，好多好多．相對地價錢比較平，可以食餐飽飽！

2010-03-16 16:56:11 補充：
活動：
睇歌劇／音樂劇～
其實英國人夜晚除左飲酒之外都無乜其他活動，尤其係冬天，個天早黑，商舖又一早關門，夜晚真係無乜好做，所以睇下劇幾好！出名既有Phantom of the Opera（最新既係Love Never Dies），Avenue Q，孤星淚Les Misérables，Lion King等等．視乎你個人喜歡歌劇定音樂劇，我睇左Avenue Q，好似大人版既芝麻街，我又睇得明，幾好笑．Piccadilly果度有個counter賣呢d飛，門票由£10-£40，不過套套唔同，可能有特價添！

活動：
如果喜歡足球，或者會特登搭火車去Manchester．又或者響倫敦既阿仙奴就比較近．

大英博物館(唔收入場費，因為英國佬把全世界既寶物偷返嚟架…佢點敢向遊客收費。)若跟團仲好，因為領隊會揾當地導遊講解。有人講解梗係要有代價，就是錢錢做講解費。但絶對值得付，因為你自己去一定知有乜係值得睇？好過你自己盲中中。
温沙堡，自己去揾coach坐先去到。收入場費，幾年前就約9磅半，但現在就唔知加左幾多？都係果句，若跟團亦會有人講解，真係好多野值得睇…如﹕英女皇小時既玩具珍藏 。但當然亦要支付講解費，但都值得。(若唔捨得付錢，咪自己行囉)
還有著名既劍橋大學城，但冇乜值得睇。
購物嘛…唔好去其他人提既Harrods買野，因為真係勁貴。想購物可以到Primark買，裡面既野好平。仲有一間叫做Tesco既超市係英國都好出名，相等香港既百佳。裡面包羅萬有，連屋都有得賣，有好多牌子既牛仔褲賣都好抵。也可以到一些古堡參觀。
其實真係冇咩特色產品，因為歐洲都係賣朱古力、糖糖諸而此類既野。英國亦都係差不多，不過多一樣野就係餅餅。你可以買熊仔及朱古力做手信，即係有倫敦巴士既包裝既朱古力糖果種。

英國大笨鐘, 白金漢宮, LONDON EYE 等等都係倫敦著名景點.

英國都有好多博物館好出名.

購物就不要錯過OXFORD STREET, HARRODS (不過很貴啦..~!)

看風景就不要錯過那一些國家公園.

巨石鎮跟倫敦地理位置相距很遠.,(印象中大約2-3小時火車再+轉車) 建議設一日行程.

劍橋牛津又大約是個多鐘的火車.

除了LONDON, OXFORD 跟CAMBRIDGE.

BATH, NEWCASTLE, EDINBURGH 都各有特色可去.

視況個人體力, 興趣, 資金等等.

手信上. 英國好像冇什麼很可愛的啦. 不過有時名牌是比較便宜~

P.S. 上YOUTUBE搵一段叫做LONDON- 10 THINGS YOU NEED TO KNOW 去參考一下. 仲有一個系列既LONDON 慳錢要訣.

我係早兩年去過UK 既LONDON

SHOPPING:
一定要去HARRODS...雖然貴但出名...

風景:
一定要上LONDON EYE...好靚嫁!!
格林威治都唔錯既..個到幾靚嫁!..仲可以係Greenwich Meridian影相TIM!
溫莎堡都唔錯...
仲有到係SHOW 皇室珠寶既...但我唔記得左佢叫咩= =

OTHERS:
大英博物館....真係勁多野睇囉...但係睇到佢有關中國個個展覽館就會覺得心痛...太多野俾佢搶左啦><""P.S我睇左成5個幾鐘= =""


你可以睇下呢個WEBSITE嫁~~
http://www.visitbritain.hk/zh/destinations/england/london/