✔ 最佳答案
現在去廣州南站都幾麻煩和幾花時間吖!我過年(年初四)咁啱都搭咗11:00果班高鐵去武漢,因為廣州好塞車,加上羅湖商業城至廣州南站的大巴頭班車開7:54分(全程要2.5--3小時),所以選擇咗以下的方法去南站: 在深圳坐和諧號列車到廣州東站(即天河站,一小時), 然後坐地鐵3號線去漢溪長隆站落(30分鐘),D出口轉乘漢溪地鐵口至南站的專線巴士直到南站(25分鐘)。我哋果日坐8:15的火車去廣州東站,到南站的時間是10:35分。如果在漢溪搭的士去南站,大約15分鐘, 13--15元;如果在廣州東站搭的士,不塞車的話也要40分鐘以上,我哋返來時就係在南站搭的士去東站的,用咗52分鐘,100元。
另外,廣州東站至南站的302A線行車時間要1.5小時以上,我有朋友搭過。聽說現在廣州天河開咗一條「南站快線」, 1小時左右到南站,不過總站在廣州創展中心,離東站都有一段距離,所以不建議搭。
希望幫到您啦!祝旅程愉快順利!