女朋友俾人當係家姐

個收銀員都好唔識做人wor,,,,佢係咪咁單純丫, 咁都估唔到人地拍拖,,,
怪唔得佢做收銀啦, 如果佢做sales, 一定,,,,,,,,,只得底薪 ~

講返正題先, 我覺得, 唔多唔少都介意既, 雖然中意姐弟戀, 但唔一定中意d 稱呼.
中意細過自己既男仔, 我諗應該中意照顧人, 保護人....
中意大過自己既女仔, 我諗應該想人保護照顧, 有多d安全感....
(希望我冇諗錯啦)

你女友同一般女仔一樣, 都中意人讚, 都中意自己青春d 後生d...
只不過佢中意細過自己既男仔, 想照顧人, 保護人....

(例: 如果你地出街,有人冇拿拿叫你女友係, 師奶, 阿姐, 阿婆... 冇講到關於你既事啦, 咁我諗佢都嬲啦, 佢都介意啦)

所以呢件事, 佢有d介意, 佢介意人地叫錯左你地既關係

以上都係我既諗法, 所以唔知岩唔岩, 人人想法不同, 不如實際d你同佢傾下啦~

個收銀員話:你細路真係乖,肯陪姐姐

只系佢自己觀感 / 佢自己覺得,

其他人可能吾系甘睇你地, 可能覺得你地好親 !

更同你地衣著冇關 .

所以吾駛理人講咩 / 眼光!

只要你地系開心就 ok !

其實你可以改善對話 :

你可以叫你女友 : bb / 老婆仔 ,
甘就系人都知你兩地個關系 !

姐係其實個SALES好明顯係串緊LOR~
我男朋友個樣都細過我,成日都比人話佢係我細佬,
其實女仔係MIND.即使再無野,都係有條刺,
個SALES真係幾PK~

色彩鮮D個人會YOUNG D~自信都會大D~
最緊要都係你把口,
D人話似姐弟,你就哄佢,證明我地有夫妻相,你走唔甩架喇,再攬下佢~SWEET晒啦~


MAYBE你唔MIND可以帶佢黎我到睇下有D YOUNG D既衫,
我可以幫佢襯下

葵涌廣場3樓303C LUCKY HOUSE
大眾銀行對面

我都有試過你的經歷,不過唔同係我去男朋友屋企見家長,佢個姪女竟然叫我做姨姨.我梗係唔知點好啦.成家人都係度.真係幾唔開心的.不過我男朋友懂得拾生.叫佢姪女唔好叫我做姨姨.叫佢叫我做嬸嬸.搞到個氣氛好番晒.
其實你女朋友係好鍾意你,只不過你係應該學懂拾生.因為佢已經覺得大過你,但又好想你保護佢.不需佢為任何事操心.希望你明白我說什麼啦.....

佢講咩都唔關你事喇!!

我覺得個收銀員玩嘢，可以不用理會她！

你唔洗介意人地目光，拍拖係兩個人既事。唔需要去在意其他人點睇。最重要係對方都唔介意，咁你唔好理咁多啦。
一個女仔的確會有Ｄ介意俾外人視為人地家姐/姐姐，不過宜家都好多姐弟戀啦，所以都冇所謂。而且遲Ｄ你都慣左，就唔會介意啦！再長遠Ｄ，你地結左婚，通常男性個樣都會老過女性。當個男人成熟Ｄ個震，問題就迎刃而解啦。

既然姐弟戀,那就避免不了人家這樣說,既然你地相愛,就不要介意人家怎講,好好享受戀愛的甜蜜吧.

睇完你講o既呢件事 .. 我覺得你女朋友唔係介意俾人話係你姐姐囉
而係好似企埋你隔離，搞到佢自己好似老左咁
係佢係大你幾年..佢係高過你..
我諗佢係介意俾人話老過你掛..仲要兜口兜面
既然佢都鍾意姊弟戀，咁佢就當然唔介意同你一齊
但佢唔出聲，某程度上佢係有唔開心囉
下次你試下打扮得成熟d，墊高少少隻鞋，減少呢種咁尷尬o既情況出現

以上純粹我個人猜測..你可以當參考囉

自己中2咪得
洗乜理人點睇
係真心相爰ga
打風刀吹唔乜啦