✔ 最佳答案
通常放題/自助餐/韓燒/ 打邊爐好難靜+有情調架喎!
如果TST or MK,比幾個提議你,你上個開飯網再睇下邊個合你心意…
Apple Green,環境令人幾舒服.野食雖然唔係好大跌,但夠兩個人食;
風月堂,全舖白色為主,令人好relax,野食好味之餘,甜品好靚又好味,令你地餐飯有個sweet sweet既ending.普通黎計兩個人300-400可以埋單;
Balalaika,俄羅斯主題餐廳,價錢比風月堂/Apple Green貴d,不過情調幾好.裡面仲有個冰櫃,佢會比件大摟你著入去冰住飲Vodka,好特別!比較難忘;
King Ludwig,德國主題餐廳,主打食脆豬手同德國啤酒.呢度就唔係靜,如果岩時間的話仲有人唱歌.唔知道你男友喜唔喜歡,但我諗男仔都幾鍾意大杯酒大塊肉;
尖東<水車屋>放題食物幾有水準,weekdays好似二百頭+10%,weekend貴d囉.但記得要訂位;
Jimmy’s Kitchen,響尖嘴阿士尼道,佢個扒爐比較特別,所以牛扒比較岀名,但留意budget;
如果你地喜歡自助餐,有一個推介,不過響中環.文華東方酒店,Clipper Lounge dinner buffet,只做Mon – Sat,Mon-Thur $298 +10%,Fri & Sat $318 + 10%.雖然好似少少out budget,但覺得以食物質素絕對超值.不過缺點係無風景睇,一分錢一分貨啦!
其實男友生日,兩個相愛既人拖手仔食一餐已經好足夠啦!如果可以安排到,親自下廚,或者整個蛋糕比佢,我諗已經好難忘啦!
祝您地甜甜蜜蜜!
Good Luck!