一樓一 拎雙程証是否犯法?

1. 簡單嚟講, 一樓一之所以唔犯法, 其一係因為在香港, 身為妓女並不犯法. 但如果妓女當街拉客, 咁就犯法. 其二係法例訂明, 得一個女人嘅地方並不可以列為淫竇. 所以一個女人在私人地方收錢同人性交, 唔可以當佢 “工作 (賣淫)”. “大佬, 我同男朋友搞完嘢, 佢俾錢我買衫, 唔得!” 因此做一樓一賣淫, 如果佢唔拉客, 只係客人揾上門, 並不犯法. 所以d大陸女仔拎雙程証落嚟做一樓一, 並不算工作, 即係無違反逗留條件, 差人唔拉得佢.

2. 正式嚟講, 差人係唔可以查一樓一牌嘅. 因為做一樓一無需攞牌. 差人要進入鳳樓, 同進入普通私人地方一樣, 一係有手令, 一係就要戶主邀請 / 同意內進. 但現實中, 確係有差人去一樓一 “探訪” 嘅. 一來睇吓有無人過期居留, 二來趕吓 d雞蟲, 廢事佢哋太明目張膽在私人大厦遊蕩. 三來亦保護吓 d 姐姐仔. 始終如果佢哋喺環頭被刦, 甚至被殺, 都唔好睇啦.

2010-03-11 01:53:49 補充：
1. 一樓一本身就係走法律灰色地帶. 就算佢擺明做一樓一, d差人都奈佢唔何. 放蛇都無用, 佢都無犯法.
2. 你睇吓報紙, 大把一樓一放租廣告.

大陸女仔拎雙程証落嚟做一樓一, 理論上係算工作, 係有違反逗留條件, 差人唔係唔拉得佢.，只係舉證上有困難，雞頭agent會教佢地點同差人講說話

賣淫無錯係唔犯法，但賣淫係工作，大陸女女係以探親為名來港，逗留條件係寫明不準工作，所以賣淫就係違反逗留條件，點會唔係犯法？違反逗留條件本身就係一條罪可以檢控可以坐監；只係執法困難，好難証明佢在房中所做係賣淫行為吧了