請問點樣從油塘到以下中學? 送20點!

油塘 > 瑪利諾中學
1. 可搭地鐵去九龍灣站，經 A 出口離開, 經天橋 (有升降機那條橋)
過對面牛頭角下村 8 座，一直沿有蓋行人路行過去牛頭角道；
一出就是間廟, 廟後有天橋過對面巴士總站；過去巴士總站之後轉左離開巴士總站, 沿佐敦谷北道直去，轉左彩霞道就可去到學校。

2. 可由油塘搭 14B 巴士 (去牛頭角)，搭到牛頭角總站落車，沿旁邊的敦谷北道直去，轉左彩霞道就可去到學校。

路線圖如下:
http://www.mssch.edu.hk/contact.php

油塘 > 地利亞修女紀念學校(月華)
1. 可搭地鐵去觀塘站，經 D2 出口離開, 見到有小路上去屋村, 沿小路行上去屋村, 見到馬路之後轉左沿月華街步行 3-5 分鐘, 直到學校門口

油塘 > 藍田聖保祿中學
1. 可搭 24 專線小巴 (去平田方向)，話比司機聽 "聖言中學" 有落，對面就是藍田聖保祿中學哦。

油塘 > 寧波公學
1. 可搭 14B 巴士去觀塘裕民坊站, 沿巴士方向步行往匯豐銀行, 之後轉右康寧道, 先過對面馬路, 沿鈄路行上去, 過左垃圾站再上多一個街口, 轉左功樂道就可去到學校。

如不想行, 落車後係巴士站後面, 搭 "樂華村 22M 專線", 途經康寧道, 話比司機聽 "功樂道有落", 之後沿功樂道行入去學校即可。

油塘 > 高雷中學
1. 可搭 76B 專線小巴 (去聯合醫院)，搭到醫院總站落車，落車後係小巴總站旁邊, 經天橋落去巴士站 (有二部升降機的), 出左升降機就見到對面的高雷中學, 用自己方法行入去

學校地圖
http://www.klss.edu.hk/CustomPage/100/map-800x815.png

油塘 > 陳樹渠紀念中學
1. 可搭地鐵去九龍塘站, 經 C2 出口離開, 之後轉左達之路 (見到生產力大樓)
沿達之路行大約 10-15 分鐘可抵達學校。

如不想行, 係又一城巴士總站搭 41M 專線小巴, 會經過學校門口

學校地圖
http://www.cskms.edu.hk/info/images/map2.jpg

油塘 > 將軍澳香島中學
1. 可搭地鐵去調景嶺站, 經 A1 出口離開, 過左巴士總站見到彩明商場, 之後
沿彩明商場後面嶺光街 > 勤學里, 行過去學校即可。

學校地圖
http://tko.heungto.net/website/schoolInfo/map/map.gif

油塘 > 福建中學
沒車直去, 你可選擇搭地鐵去柴灣總站, 經 C 出口離開, 係出口的巴士總站, 搭 84M 巴士, 係尾二站 (衛理中學站) 落車, 沿巴士車頭方向直線步行, 之後轉左富怡道過對面, 就是福建中學, 步行需時約 5 分1鐘

你也可選擇搭地鐵去柴灣總站, 經 C 出口離開, 係出口的巴士總站, 搭 "47M 小西灣專線", 係小西灣巴士總站落車, 巴士總站對面就是常怡道, 沿常怡道行過去就是福建中學, 步行需時約 5 分鐘 (可問司機邊到落車最近)

你也可以行去東隧口巴士站, 車頭寫住去小西灣的巴士都可以上車 (606, 682, 694), 建議搭 606 號, 落車後行前少少就到學校 (近DD)。

606 = 培橋小學站落車 (富怡道)
694 = 小西灣村總站落車 (小西灣道), 跟 47M 專線小巴方法前往
682 = 衛理中學站 (小西灣道), 跟 84M 方法前往

1.瑪利諾中學 地址:牛頭角佐敦谷彩霞道45號

14B 巴士到牛頭角總站，沿佐敦谷北道行上去，再左轉彩霞道，約行3-5分鐘便到

2.地利亞修女紀念學校(月華) 地址:九龍觀塘月華街19號

油塘紅van在觀塘政府合署落車，或港鐵觀塘站協和街出口，沿協和街行上去月華街，右轉月華街過左公園和垃圾站就到

3.藍田聖保祿中學 地址:九龍觀塘藍田安田街10號

乘24號小巴(啟田商場班次，不是短途班)直達。如果是搭24號短途班，可在德田商場落車，沿商場升降機落返地下，行出去就見

4.寧波公學 地址:觀塘功樂道7號

港鐵觀塘站裕民坊出口，轉22M或36A專線小巴。又或者由裕民坊行到尾，右轉康寧道行上去功樂道，大概行10分鐘。該校就在康寧道路口，不像其他功樂道的學校非搭小巴不可，所以可以選擇行路。

5.高雷中學 地址:觀塘康寧道和康徑9號

港鐵觀塘站裕民坊出口，轉22M專線小巴，在康寧道和振華道路口，即樂善堂楊仲明學校落車，繼續沿康寧道直行，見到政府宿舍再右轉和康徑行入去

6.陳樹渠紀念中學 地址:九龍又一村達之路10號

方法一：搭港鐵到太子站A出口，向後面行至旺角警署側，轉九巴203號巴士至丹桂路車站。也可轉九巴2C在大坑東遊樂場落車，右邊達之路行過去

方法二：搭港鐵到九龍塘站，在C2出口經又一城商場的通道，去到又一城巴士總站，轉41M專線小巴

7.將軍澳香島中學 地址:將軍澳調景嶺勤學里4號

港鐵調景嶺站 A1
出口，穿過調景嶺巴士總站，向左行過馬路，到對面乘扶手電梯到健明邨商場，再上多兩條電梯到健明邨上面，見到一個大而無用的鐘樓，沿屋村通道轉左行過去，
左邊是將軍澳香島右邊是匯知中學

8.福建中學 (小西灣) 地址:香港小西灣富怡道2號

港鐵柴灣站 C 出口，轉47M專線小巴直達校門對面（較平但兜工業區較慢）或新巴84M搭到藍灣半島總站，行過對面馬路就係