(急求交通指南) 以下幾個學校點去 ? 20點

藍田 > 保良局甲子年中學
1. 可搭地鐵, 由藍田站去坑口站，由 A1 出口離開，轉右沿常寧道直去，見到回旋處，過對面影業路 > 右轉集福路, 就可去到保良局甲子年中學

藍田 > 觀塘瑪利諾書院
沒車直去, 最方便方法, 搭地鐵去觀塘, 經 D1 出口去巴士總站, 係巴士總站後面的 SEVEN 搵架上工業學院的紅色小巴坐，直到學校門口, 話比司機聽學校名就可以, 去到司機會開門比你落車 (注意小巴只於平日返學, 放學時間有車, 假日, 公眾假期, 學校假期停開)

也可於巴士總站搭 13M 巴士，寶珮苑站落車，沿巴士站右邊鈄路行上去學校即可 (全日服務)。

藍田 > 順利天主教中學
可於藍田站 C 出口巴士站，搭 619 巴士，搭去順利村總站，落車後沿巴士車頭方向步行，見到天橋行上去過對面順緻苑，身體稍為轉左少少直去就可以去到學校。

藍田 > 五邑司徒浩中學
學校就是藍田啟田道, 可步行前往, 也可搭 216M 巴士 (上藍田) 途經學校門口

藍田 > 梁式芝書院
1. 可於藍田地鐵巴士總站, 近匯景商場正門, 搭 71A, 71B 專線小巴 (直去沒站)，小巴過左公路後，話比司機聽曉光街有落，落車後沿小巴車頭方向步行，轉左曉光街，沿鈄路行落去就可去到梁式芝書院，中途會經過一間廟，同埋一個巴士總站。

2. 可於平田商場搭 60 專線小巴 (順利方向)，話比司機聽去秀茂坪南村, 小巴可於巴士總站停車, 落車後跟方法一步行前往梁式芝書院即可。

3. 可於廣田村總站 (碧雲道, 連德道沿途), 搭 76A 專線小巴 (去聯合醫院)，話比司機聽曉光街有落, 跟方法一步行前往即可。

藍田 > 地利亞修女紀念學校(月華)
可搭地鐵去觀塘站，經 D2 出口離開, 轉右見到小路上去屋村入面, 沿小路一直行上去, 見到馬路後轉左沿月華街行 3-5 分鐘, 就可去到學校。

藍田 > 新生命教育協會呂郭碧鳳中學
跟去觀塘瑪利諾書院方法相同, 就係旁邊哦

藍田 > 基督教女青年會丘佐榮中學
沒車直到，你可先搭車落觀塘，搭 17 巴士 (去愛民方向), 去到常樂村站落車, 行返轉頭就是基督教女青年會丘佐榮中學

藍田 > 邱子文高中學校
可於藍田站 C 出口巴士站，搭 694 巴士 (本班車經隧道)，過左隧道後第二站落車 (怡心園站)，落車後直線穿過怡心園，之後轉右直去到尾就可去到邱子文高中學校。

係岩哂!!!!!!!!!!!!!!!!!!!!!!