2010大阪之旅

由心齋橋站搭去梅田站轉乘阪急京都線去“桂”站轉車到“嵐山”站。大約25分鐘左右就到。出了車站之後再跟住指示行, 經過嵐山公園，好快就去到渡月橋,沿路有指示牌標明去天龍寺和嵯峨野小火車。
建議你到了嵯峨野小火車站，才買車票，有很多朋友預早一到大阪機場就買定車票，車票有日期同時間規定，因遲了起身或天氣影響而搭唔到班車，又要再買過。提示：如可揀，買第5車卡，因第5卡係特別車卡, 好開揚, 車頂用玻璃建造, 冇窗。
經過30分鐘的旅程，就到達嵯峨野小火車的龜岡站，行10分鐘左右就到馬堀站。 由馬堀站搭車到JR京都站。 巴士站就在京都站出面,在巴士站隔離的”総合バス案內所”買張巴士1日pass, 京都的巴士多數都係220yen一程, 無論搭幾個多站都一樣, 而巴士1日pass祇不過係500yen, 即係搭3程就可以回本。然後搭206號巴士去清水寺,大概10分鐘就到。