✔ 最佳答案
1.首先要確定有冇外傷過(有時可能拉傷左, 當時唔痛唔多覺)
第二, 係咪肌肉勞損. 中醫書<黃帝內經>曾提及"五勞" : [久視傷血, 久卧傷氣, 久坐傷肉, 久立傷骨, 久行傷筋]
第三, 可能你係中醫所講GE 肝血不足.
西醫檢查過你骨冇事, 可能只係比止痛藥你.
中醫望聞問切後, 認為你骨冇事, 係可以用內服藥調理, 你身體氣血運行得好, 自然唔會有呢D 病痛.
2.花旗參係補氣的, 雖然好多人都成日食/局黎飲/煲湯, 但係唔係個個人, 或者任何時候都啱食.
例如有D 人氣虛, 佢食左反而差左, 可能係佢虛不受補/佢根本唔係氣虛.
如果傷風感冒, 或者有中醫叫做的 "表症", 食左反而將 "感冒傳裏".
所以都係請教註冊中醫師.
對不起, 沒有相熟的中醫在屯門.
2010-03-15 12:26:48 補充：
1.其實肌肉勞損唔易好. 勞損係長期累積返黎. 唔係一時一刻而造成的, 如果輕微的, 就可能多休息, 身體自然康復. 但係如果嚴重少少, 經過休息後都未能康復, 就要接受治療. 中醫師會因應個人情況建議不同的治療, 例如針灸、拔罐等. 有時會配合埋食藥, 內外兼治, 事半功倍.
肝血不足引致疼痛、抽筋, 可以內服芍藥甘草湯最為方便, 可以緩急止痛, 治腳痛攣急. 芍藥4錢 甘草3錢, 水浸過藥面, 大約煲45分鐘, 煲淨一碗左右. 每日一次, 連飲3日左右, 效果會好D. 藥量因人制宜, 詳細請請教註冊中醫師.
2010-03-15 12:28:49 補充：
仲有, 平時要11點瞓覺, 就算瞓唔著都要瞓上床, 等身體休息. 少D 吹風, 少食寒涼辛辣之品, 尤其係服藥期間, 要忍忍口.
其實呢個病可以好快好, 但亦可以好難好. 可能幾次治療就好左, 但又復發. 醫師只幫到你一半, 另一半好靠病人配合. 如果病人可以跟醫師吩咐, 食藥同治療, 所以鞏固健康就要病人配合同堅持喇.
2.灣仔中醫村, 要預約時間, 電話3102 3918
希望幫到你.
**我第一次用YAHOO 知識, 所以唔係好識用...按錯左評價...HAHA~
2010-03-16 16:41:48 補充：
我建議你比醫師把脈、睇舌象好D.
中醫有句話: "同病異治，異病同治" 因為中醫治病講求病因, 搵出個病因先可以根治. 如果唔係, 同頭痛醫頭, 腳痛醫腳的醫師冇分別.
請請教註冊中醫師意見啦~ ^^
