一段失去誠信的婚姻......

我們拍拖三年,有左bb結婚兩年,就三年了......
原本都好地地,直到上年11月佢話要返大陸做生意,一星期返去過夜一日,起初我都信佢,覺得冇問題,點知有一日佢返黎我睇到佢個手提電話有個sms叫佢做"老公",一連串既事就發生啦!!!

一直以黎佢都係打工,不過大約兩年前佢公司易手,唔續佢約所以自己出黎做生意!今次接到一單大生意要一星期返去過一晚夜睇住進度,連佢生日都上去過夜,跟住佢返黎我見到佢有一個麵包頭電話繩,上面有個女人署名祝佢生日快樂!我已經覺得有古怪,過多幾日佢又照上去過夜返黎,我睇到佢電話個sms有d怪怪message,上面寫"係咪只有我們兩個吃飯?",我老公回覆"是,只有我們兩個",又有"穿昨天那套好嗎?",我老公回覆"穿漂亮一點,穿高跟鞋"!我已經很嬲,我問老公,但佢否認,成日同我講佢做既跟我見到的係兩回事,跟全仲將佢個手機上鎖,完全唔知佢做咩...

一個月後我偷睇到佢電話既password,我一開黎睇已經見到個sms:"老公,記得帶相機,我要和xx拍照,再不帶就打屁屁"!我當時已經嬲到死,直接用老公手機打比個大陸女人問佢想點同問佢幾歲,佢只係同我講唔知同答我26歲,叫我問我老公!當時我已經決定要離婚,老公亦知道我打左電話比果個女人,佢都仍然話唔係嗰回事!通完電話我去沖涼,出黎之後老公話果個女人send 左sms黎,內容係講:"唔好意思令你誤會,我係36歲唔係26歲,大家只係玩遊戲......"(詳細我都唔記得啦!)之後我都心軟留起度!

不過我一直都疑心病發,上個月見到佢個roming張單,上半個月全部都打比果個女人,下半個月就全部打另一個電話,佢話上半個月要打比佢係工作需要,下半個月係另一單生意要聯絡......
我私底下打比另一個電話,不過一直都唔通,唔知佢係個咩人,過年前我見到老公個電話sms比新號碼個人:"我電腦有問題,我打電話給你!"
我一直都耿耿於懷,究竟果個係咩人,今個月我又見到佢roming張單全部都打比果個人(有成四百幾蚊),跟住我又好嬲要同佢分房瞓,佢亦都反擊鎖上房門,不過我仲未取回我的日用品,我同奶奶不停叫佢開門(我地跟老爺奶奶住的),老公一開門我地就打起上黎(當然我唔夠佢打啦!)今次老公都好嬲,佢話佢打電話比生意上的機器,唔會有人聽電話!而最終我地都分房瞓!

究竟我有冇錯呢??係咪我真的疑心太大定係佢真係有問題呢???
今次我地係咪真的要離婚啦??(我地上星期六打架,到今日佢仍然鎖上房門)
我地有個女,今年兩歲半,我地打架佢見唔到,不過唔知佢知唔知我地既事呢??
我個心真係好亂,唔知點算好?見到佢果時好嬲,見唔到佢時又唔知點噤,好好奇佢做緊咩,好奇佢有冇同返果個女人聯絡,究竟點算好??唔該大家可唔可以幫下我呀???