未成年持偽造身分證來港工作會點?

本來唔鍾意答匿名問題, 因為好多都睇完答案就delete. 不過即管答你, 希望你係例外.
一位未成年女性拿偽造身份證於香港工作並逾期居留, 一樣觸犯法例. 佢拿偽造身份證, 犯咗香港法例第177章<人事登記條例>第7A(1A) 條, 起刑點18個月. 佢於香港工作並逾期居留, 犯咗香港法例第115章<入境條例>第41條, 起刑點15個月. 同期執行, 即係判刑起點18個月. 通常非香港藉人仕都會判坐監, 因為感化 /社服今 /緩刑等不適用於外來人仕.
你無講明你所指 “未成年” 係幾多歲. 在香港, 未成年係 18歲以下. 但涉及異性性交嘅法例, 就係指16歲以下.
香港法例第200章<刑事罪行條例>第124條 - 與年齡在16歲以下的女童性交:
任何男子與一名年齡在 16歲以下的女童性交, 即屬犯罪, 一經循公訴程序定罪, 可處監禁5年.
此法例係 “純對責任” 法例, 即係不論在知不知情下發生, 如果你同年齡在16歲以下的女性發生性行為, 都係犯法. 如果你指嘅未成年係18歲以下16歲以上, 咁個你就無犯法. 如果係16歲以下, 就犯法. 判幾耐要視乎男方同女方嘅年齡差距. 差距越大, 判刑越重.
女方是否逾期居留, 對男方有無犯法無影響.