何福良係電專家,而在下係分析專家。
我平時都係一個好大懵既人,不過如果你肯花時間睇哂我d檔案,你就會發覺我由小學五級開始到現時為止,從來都未試過好似你咁,漏咗成句最重要既嘢既問題都出得街,跟住又要補充返果句嘢。雖然我都會打字打漏嘢,但係唔會有你咁既情況出現。
你係唔係處事大懵既人,要你自己先知,如果係既話,咁你果次出門關總制果個過程有乜大懵嘢就一d都唔出奇。
而家嘗試同你做現場重建﹕
你果日要搭早機,所以比平時早起身,而之前一晚因為要執嘢又要搞呢樣搞果樣,都幾攰而且比較夜瞓,所以你果朝其實都幾眼瞓吓,你刷牙洗面搞好哂d嘢,臨出門你就先關哂全屋既燈,跟住你就走去關總制,你"掹"個制落嚟,聽到"拍"一聲,你就認為已經關咗制,但果吓聲音其實係由於你未"掹"盡個制,個制彈返上去既聲,即係話,你由始至終根本都冇關到個制!
而由於你本來就已經熄哂全屋既燈,唔可以靠燈嚟判斷總制開關情況,兼且你果朝又烏眉瞌睡,於是咪擺咗個大烏龍囉!
仲有,你最後問果句「想問下係唔係電掣箱係回自動reset翻個電源. 」,呢個係一個唔make sense既問題。
如果有電器出咗問題撞電跳制,個總制又會自動reset翻個電源既話,若然冇人喺屋企,咁咪不停撞電、砰!跳制、開制、撞電、砰!跳制、開制、撞電、砰!咁搞法個總制仲有命?
仲有,你最後問果句「想問下係唔係電掣箱係回自動reset翻個電源. 」,個「回」字係咪打錯?係咪應該打「會」字至啱,烏龍大王先生?
唔好自己嚇自己啦。
2010-03-13 23:31:49 補充:
何博士你唔好嚇佢啦!人嚇人冇藥醫。
題主,如果你俾自己既烏龍性格搞到成日以為自己屋企.....
咁咪好唔抵?係咪?
2010-03-14 09:02:34 補充:
何博士你對我既分析點睇?你留意吓,佢雖然更正咗問題,知道個「回」字應該係打「會」字至啱,但係更正咗之後既字句都仲係錯,因為更正既時候冇delete個回字而多咗個回字出嚟,變成「經過一段時間後會回自動reset翻個電源.」!
佢既檔案經常都會打錯字,其中一條「應唔應該幫佢好」既問題更加係有超多串錯打錯既字,證明佢做事根本唔會理有冇出錯,而且佢從來唔會處理問題選出最佳回答,證明佢處事冇乜責任心。不過可能佢其實係一個好有分寸既人,喺正式工作果陣會好細心好交帶都未定。
2010-03-14 09:02:42 補充:
題主請勿介意,如果你肯定冇賊入過屋,知道係自己擺烏龍點都好過疑神疑鬼。我覺得你應該藉今次既事糾正自己性格上比較弱既一面,對你有卑益。每個人都有弱既一環,包括我在內。
2010-03-14 10:39:11 補充:
何博士果然係重量級既電專家,講到電真係唯佢獨專,不過一般住宅除非有住客自己更換Auto Reclosing Device ,否則就算係鐘意索K既建築商都唔會咁傻無啦啦揼咁多錢落去搞d咁既白痴嘢。題主可以關總制五分鐘試試,雖然我99%肯定唔會有任何反應,不過都求證吓。
2010-03-14 10:56:47 補充:
唔係喎,何博士,佢錯得好誇張果篇係英文嚟個喎,何博士你仲有冇嘢講?哈哈!
我就坦白到乞人憎,而何博士你就用「做電力工程真既唔可以如此烏龍」嚟暗串題主,都係你有深度d,我都係要跟你學嘢至得。
題主我冇呃你,其實日常生活裏面我既烏龍嘢可能比你仲多,只不過得我知冇人知咁解啫,哈哈!
題主,我哋互勉之啦!
2010-03-14 12:52:05 補充:
但係唔係喎,何博士,佢錯得好誇張果篇係英文既發問嚟個喎,唔係回答喎,「所有既答覆未必準確」冇錯係啱,但問題應該要準確掛?如果問題都唔準確咁咪問非所問?如果問果個又問非所問,答果個又答所問,睇果d人咪睇到嘔白泡都仲係丈八金剛咁?何博士你仲有冇嘢講?哈哈!
2010-03-14 12:53:03 補充:
更正﹕
答果個又答非所問。
2010-03-14 13:09:19 補充:
何博士,你係咪索咗K?
2010-03-15 07:22:10 補充:
何博士,雖然我唔認為你真係唔知咩叫麥田圈,咩叫UFO ,不過即然你問到,禮貌上我都照俾網址你﹕
http://www.powercam.cc/slide/1302
http://soultw.com/ufo/modules/xcgal/thumbnails.php?album=20
http://www.youtube.com/watch?v=3W3xHRv7BJA&feature=response_watch
http://www.ylib.com/search/ShowBook.asp?BookNo=YLB08#ItemContent
2010-03-15 07:24:43 補充:
更正﹕
「不過即然你問到」係「不過既然你問到」之誤。
嗱,題主,我自己都打錯字啦