牙骹移位怎麼辦?

我都試過你所講既牙骹移位
不過正確黎講叫牙骹炎

前年我開始就咁
早上起身通常都會痛,開唔到口
食飯又要就住,連講野都格格聲
於是我去左睇西醫
醫生比左十幾隻藥我食
結果唔單止冇好到
仲食到抵抗力差晒
連搭好定既車都見暈作嘔
所以我唔建議你去睇西醫
同埋佢係唔會叫你做手術,只會食藥
好明顯功效唔大

後來,我番左去廣州公立醫院睇中醫
佢叫我要做針灸
我初初都好驚
因為要燒"艾"
價錢我記得係過百,但唔會貴
佢會幫你係手背用一支針
應該要黎麻醉面部
跟住會係面上針幾支(你痛個個位既附近)
跟住用"艾",過程大約半個鐘
如是者去大約五日就會痊癒
唔會留傷痕

但我個時因為要趕番落黎香港
所以只係針左三日
但已經好得七七八八
如果我針多個兩日而家應該會好番晒
所以我遲d暑假都會番番去整埋

不過呢好番之後同預防既工作都要做
一:唔好食太硬同要趙好耐既野
二:笑同打喊路個時唔好張得個口太大

牙骹炎好煩架
希望你早日痊癒啦:)