✔ 最佳答案
首先, 我唸你應該仲係學生啦 ! 雖然, 我唔知你係咪今年既會考,生, 但照你講既情況, 你應該係功課/讀書壓力太大所致.
其實讀書係要認真, 係重要既野嚟. 但有時你都唔好俾太大壓力俾自己先得, 如果唔係. 只會有反效果架咋 !
除咗睇醫生食藥外, 你仲可以多d 做以下既野去幫自己既 :-
1) 保持有充足睡眠, 最少要訓8小時
2) 食野要定時定量, 唔好偏食, 唔好食得太少或過多. 要有足夠營養, 保持健康.
3) 做適量運動, 跑步, 游水, 散步, 做gmy, 踩單車...etc 總有一樣岩架 !
4) 揾d 興趣班學下. eg. 整旦糕, 急救, 書法, 口琴.....etc 總之揀d 你有興趣既學下, 玩下
5) 揾下朋友食反, 傾下計, 行下街, 睇下戲....etc but 如果你唔想的話, 唔好過份逼自己. 但要多d 鼓勵自己出去, 至少都2星期出一次同朋友聚下, 傾下計 . 要保持有正常既社交圈子.
6)揾一d 你覺得可以同佢傾心事既朋友講下自己感受.
7) 當你好緊張時, 叫自己停落嚟, 先深呼吸, 數1到10. 要慢慢數, 一邊做深呼吸, 一邊數. 自然就會冷靜落嚟架啦. 然後, 同自己講, 唔好急. 慢慢嚟做.... 多d鼓勵自己
8) 可以揾社工/輔導傾下.
如果你想揾我傾下都得架. 歡迎send email 俾我.
俾心機, 加油呀 !!