石屎水泥(concrete,cement)

水泥係由一種叫做石灰既物質燒出嚟既灰色粉末，係一包包既原材料，可以用嚟起樓，可以用嚟鋪牆身或地面磁磚，亦可以喺砌磚牆既時候用嚟將ｄ沙磚或紅磚痴埋一齊，仲有好多用途．．．．．。
石屎係混凝土既俗稱，而混凝土係用水坭、小石頭、沙，加水混合凝固而成，故名。印象中記得由於係用咗三種物料加水溝埋，所以好似仲有一種比較少人用既名稱，叫做三合土。

換言之，以香港人的一般語用習慣，水泥除咗指粉末狀既原材料之外，亦引申為己建造好既混凝土既代名詞，呢點就係引致你混淆既原因。
而家再睇你既問題﹕
1)點可能由外表分別出石屎同水泥?
如果水泥是指原材料的意思，你已經識得分，一者為粉末狀，一者未凝固時呈泥石流狀，凝固後是建築物的結構材質。
如果水泥是指混凝土的俗稱，兩者是同一樣事物。alanwong所講石屎表層比水泥平滑而有光澤，有商榷餘地。他的看法是建基於「水泥是英泥溝海沙」。可能有小部份香港人的概念確如是，不過你既然打出英文CEMENT這個字，就應該要跟從這個字的字義去解釋了，英語字典可不是作「英泥溝海沙」這種解釋呢。

2)其實石屎係咪等於加左鋼根既水泥?
一般石屎牆是一定會有鋼筋以增加結構強度的，就算鋪地台的石屎，加入鋼筋也不會那麼容易裂開，所以石屎幾乎係同鋼筋結下不解之緣，不過卻並非絕對，我也試過在花園坭地插大木坊埋在地底，在地底圍著木坊方圓數吋的石屎並沒有加鋼筋，因為結構強度要求不高，沒有甚麼拉力應力問題要顧慮。
所以石屎基本上等於卻並不一定等於加左鋼根既水泥。

3)水泥=英泥=紅毛泥?
我認為你啱，亦認為自己都啱，以我個人所見，由內地來的人幾乎全都叫水泥，香港人則絕大多數會叫英泥，紅毛泥現在比較少人叫，可能己慢慢開始過時了。

4)咁點解加左鋼根既石屎叫做鋼根水泥?咪好矛盾囉?
其實加咗鋼筋既石屎叫做鋼根混凝土會合理ｄ，鋼筋水泥相信只係積非成是既習慣叫法，呢種叫法能夠成風相信係因為水泥比混凝土可以讀少一個字，筆劃又比較簡單易寫，而且以化學反應角度嚟睇水泥又係主角既緣故。
如果鋼根水泥一詞是來自內地的話，存在矛盾不出奇，因為可能內地根本並不通行石屎這個名詞，那麼在內地便沒有矛盾了。

5)咁石屎牆(屋企果D)係鋼根+水泥 定係 鋼根+石屎?
石屎牆(屋企果D)係鋼筋+石屎，亦即鋼筋+水坭+石仔+沙。

6)同埋姐係平滑而有光澤=石屎,,表層粗糙而帶有啞色=水泥?會吾會有例外?

石屎表層是否平滑，我覺得其中一個因素取決於落石屎時用的木板，現在很多地盤都用鐵板落石屎，故此石屎企身位表面確會相當平滑。至於「表層粗糙而帶有啞色=水泥?」一句，不知句中的水泥是何所指，不過相信你看過我以上的解答之後已不會再問了。
至於

7)鋪地果D係水泥 定 石屎?
鋪地果D係英泥+沙。
其實「鋪地」一詞可有不同意思，總之，
但凡對拉力應力乜力物力有所要求的，用鋼筋+水坭+石仔+沙。
沒力學要求的，用水坭+石仔+沙。
力學及強度要求都不高的，用水坭+沙。

8)舖地台面通常是水泥+沙 ,
對，因強度要求不高。但樓面就一定要用鋼筋+水坭+石仔+沙。

9)水泥+沙 =石屎?
對，因強度要求不高。

10)我仲可唔可以問多d？

我求吓你放過我啦！唔該你吖！好心有好報！
另有相關回答。
http://hk.knowledge.yahoo.com/question/question?qid=7008120500595
本人只是裝修界，內容如有謬誤請建築界專業加以糾正。

2010-03-11 21:48:40 補充：
錯誤複制句子更正﹕
9)水泥+沙 =石屎?
不對，一般所謂石屎是一定包含石仔在內的。

2010-03-11 21:53:47 補充：
舖地台如果只有一兩吋或兩三吋，只用水泥+沙也可以，但如果厚度有三四吋或四五吋以上，都要加石仔。

2010-03-11 21:59:26 補充：
用鐵板的建築地盤其實樓面都會用鐵板落石屎，故此石屎無論企身位或天花板表面都會相當平滑。

屋企果D係鋼根+石屎 (Reinforced concrete)
淨水泥顏色偏黑, 石屎因為加沙所以通常是淺灰色的
淨水泥表面比較石屎鬆散
舖地台面通常是水泥+沙

英泥--cement 是一原料有白英泥 , 普通英泥 ,....等等是干粉抹 . 而石屎--concrete是由英泥+沙+石子+水等 , 混合而成膠狀体(paste) , 因水化作用而凝固為堅硬固体 . 你所指石屎有鋼根在內 , 是主要由英泥與其他結合(bind together)而成的 .

1.首先石屎表層比水泥平滑而有光澤,亦有小小黃峰竇出現,因為石屎要經過儀器震蕩把石屎物質震昀及把空氣逼出才堅硬,所以石屎表層會平滑而有光澤.而水泥是用人手做出來,加上水泥不含石仔,只是英泥溝海沙,硬度上不及石屎,亦不雖經過儀器震蕩,故表層粗糙而帶有啞色.
2.石屎不等於加左鋼筋既水泥.石屎可以單一平鋪地台.而不用鋼筋,而石屎
用途比較廣泛.
3.原質上是,但其實紅毛泥只是行內術語,正確水泥是英泥加海沙混合而成的叫法.
4.因為通常起樓要好高硬度,耐久度及鞏固度才能抵受重力,承托力及種種力學,而現今技術能符合的物料仍是鋼筋加水泥的做法,固凡是形容這種做法都叫鋼筋水泥.