關於麥當勞工作,僱傭條約問題

首先解答你．．．你是全職定兼職的問題：
其實在香港的僱傭條例內，並無條文去界定全職定兼職..時薪定日薪等等！法例係用僱員是否連續性受僱，來界定你與僱主的關係，即所謂(4.18)原則，意思即是說＞＞連續4個星期，每星期返夠18個鐘，即受僱傭條例第57章的保障！

根據你所講的返工情況來說，你是屬於連續性受僱，在法律的釋義及用你的思維，你可理解為全職！

致於你辭職是否需要7日代通知期/金，首先，你要睇番你的合約有無條文，你與麥當勞之雙方協議需要俾幾多日代通知期/金！而且你有無試用期都會影響代通知期的日數，所以你要清楚知道自己係幾耐試用期！

假設依你所講並無試用期的情況來說：

在無試用期或已過了試用期，而僱傭雙方並無協議代知期
●法例規定不可少於一個月通知！

在無試用期或已過了試用期，而僱傭雙方有協議代知期
●依照雙方協議的通知期，但不可少於7天！

結論：
如果你的合約無講代知期係幾多日的話，在法律上屬於Implied terms（默示條款），即係麥當勞炒你要有一個月代知期/金，而你辭職都一樣要俾番一個月代知期/金俾麥當勞！

如果你潛水走佬，麥當勞當你曠工或你辭職，在法律上，僱主可向你追討一個月代通知金！而你是返了3個月及以時薪來計算，法庭會以你呢3個月的每月平均工資來計算應付的代通知金!

既然你已出來社會工作，係時候要有責任心的了，因為出來社會工作你自己要負法律責任的了，最好早ｄ通知麥記啦，如果你上司真係好煩又唔想你走，起碼証明你都做得野幫到佢手！如果你真係好決絕唔做辭職，你不如用書面寫辭職信，簡單寫幾隻字，以下幫你寫左一封最簡單的辭職信俾你參考：

信內抬頭註明：辭職信，並標明寫信日期

致：麥當勞．．．（上司姓名/職位或人事部等等)

本人(你姓名xxx)，職位ｘｘｘ（分店）等等，現以書面通知　貴司，本人決定辭職，最後工作日期為２０１０年ｘ月ｘ日！！

你記得要計番你要俾幾多日代通知期，例如你封辭職信寫的日期為8/3/2010，以一個月代通知期，即係最後工作日期為7/4/2010！

現招募以下職位:
1. 顧客服務大使 2. 品牌推廣大使

_中五或同等學歷 (大專/大學生優先考慮 )

_操流利廣東話 , 略懂普通話 及英語

_性格開朗 , 外向及有良好溝通技巧

_主動積極 , 有責任心 , 具備團隊合作精神

_公司正在拓展市場需要大量人手

_提供本地及海外訓練 , 福利好 , 良好的晉升機會

_以上職位全職兼職均可

_應徵人士可進行網上登記:

名額有限 . 額滿即止