關於國家戶口之間轉帳 (好想知, 20分架)

國際之間金錢嘅傳遞係用電匯或者票匯， 電匯係方便同快捷，但匯款人同收款人都要有銀行戶口。

全世界可以做國際電匯嘅銀行都有一個全世界通用嘅 Swift Code, 係 8 個英文字母。譬如恒生銀行嘅Swift Code 係 HASEHKHH

如果你想由香港電匯去非洲， 你要知道收款人戶口係邊間銀行， 要知道收款銀行嘅 Swift Code (或者叫做BIC， IBAN) ， 收款銀行嘅名稱同地址，收款人嘅姓名， 地址， 佢個銀行戶口嘅號碼。
你去你有戶口嘅銀行， 俾上面嘅資料俾銀行嘅服務員（唔係櫃員）， 佢地就會同你辦匯款手續。你仲可以指定你嘅收款人收邊種貨幣。（銀行會幫你兌換）
當然最緊要你個戶口要有足夠嘅錢。因為銀行要扣咗你戶口嘅錢， 扣埋手續費，然後至同你匯錢出去。
如果你上面嘅資料寫錯咗， 譬如收款人嘅名同收款戶口嘅名唔同， 收款銀行就會將D錢退番你嘅銀行。
如果你要由沙特阿拉伯匯錢嚟香港， 同樣要有香港收款銀行嘅 Swift Code, 收款銀行名稱， 地址，收款人嘅姓名，地址同埋銀行戶口號碼， 沙特阿拉伯嘅銀行就會同匯款人做手續。
如果有人由外地匯錢去你間銀行俾你， 銀行收到錢後， 對過你嘅資料， 就會將款項存入你個戶口， 然後用信件通知你。 請記住， 全世界嘅銀行都唔會用電郵 email 通知客戶嘅， 因為有好多騙子用呢個方法行騙， 叫做尼日利亞騙徒。
如果用票匯， 就係去銀行買一張本票， 郵寄比收款人， 收款人自己擰張本票去佢嘅銀行兌換。咁樣做， 時間會長， 同埋郵寄會有風險。

2010-03-06 21:20:42 補充：
或者有D銀行會接受無戶口嘅人用現金電匯。

這不叫轉帳，叫電匯
要在櫃檯做，還收手續費