孕婦可以食柑嗎?(BB)

✔ 最佳答案

唔食得d咩水果係好睇你自己既底子同體質既，有d人頭三個月食西瓜都唔會有事。加上有d人唔會介口，只要均衡，唔好過量或者偏食一種就冇問題架喇。以下係一般孕婦都盡量唔食既水果

燥　 - 榴槤、荔枝
濕熱 - 芒果
寒涼 - 香蕉、西瓜、柿、西米、海帶、涼粉
滑腸 - 西梅、火龍果、木瓜(易令bb有黃疸)

你提出既柑都可以食，都係果句，唔好過量。懷孕期間最好就係食蘋果，特別懷孕後期易肚餓，食蘋果有飽肚既感覺外，亦對身體有益，更加對懷孕後期有便秘既孕婦有幫助！其次可以食橙同紅提，呢兩種水果都比較正氣，不過比較野痰，而且有咳就最好唔好食喇。若果懷孕後期 (八個月之後)有便秘問題，可以食大蕉(唔係香蕉！)另外，任何水果盡量都唔好雪凍後食，萬一水果放過入雪櫃，都應該放至室溫先好食~

飲品方面，濃茶、架啡可免則免。不過有報導指，孕婦每日唔超過兩杯既話，對胎兒都唔會有影響。加上外國人多數懷孕期間都會照飲，所以又係果句...唔好過量！另外，任何凍飲都最好要介喇！若果想bb既皮膚白淨d，最好唔好飲朱古力奶。鮮渣果汁會比較多糖粉，若果想吸收水果中既營養，請選擇直接食水果！
有孕婦係懷孕期間會特別嗜甜，咁既情況可以加小小蜜糖

禁忌方面有D古老傳說，例如孕婦在場既時候就唔好裝修，釘牆，扎鐵，鑽牆，唔好搬屋同移床。雙手唔好舉高過頭，唔好大動作，唔好'戍'低，傳說話咁樣會嚇親胎神，會有機會小產

其實最緊要就係保持身心健康，個人開朗D，有充足既睡眠，適量既運動，定時進食，食有營養既食物，可以既話每日飲杯奶，得閒就行下，吸下新鮮空氣，著D舒適既衣物，平底鞋。基本上咁樣都足夠架喇
祝你生個健健康康、肥肥白白既BB~

2010-03-05 16:10:46 補充：
食物方面，海鮮類除魚外，其他都要盡量避免。一來海鮮比較毒，二來殼類食物洗唔乾淨亦有問題！而且老人家話蝦、蟹、貝殼類既食物會對bb皮膚有影響

回答 (2)