男友有很多談得來的異性朋友

我同男友拍拖接近半年，一起幾個月後我發現他有很多談得來的異性朋友，很多女孩子喜歡找他談心事，他亦會間中與不同的女孩子吃飯。

起初我沒有特別過問他與其他女孩子的事，因為我信任他，亦想尊重他的私人空間。但最近我發現他的一個生意女拍擋經常寫長篇大論的email給他傾訴心事，甚至寫下甚麼 ' love you'，'you are the guy i want to meet...‘。而他的回覆通常只略作回應，聊寫數句如 good writing, you are so frank, thanks for your mail 等等。

睇見真係令人眼火爆，係，最衰都係我出於好奇同疑心check佢account，結果睇到呢幾封email。又比我知道佢地黎緊半年會成日上大陸工幹（好在不會過夜），又比我聽到佢地間唔中會傾幾個鐘電話，內容除咗真係要傾公事外，主要都係我男友聽個女拍擋講心事。

我都明白男人喜歡被人崇拜既心理，所以我唔會要求男友同呢個女人唔見面。而我都會選擇信任男友，但真係幾唔開心，其中一個原因係從email中，我相信個女仔唔知我男友拍緊拖，我男友亦無講。

其實除此之外，我男友真係特別鐘意搵女仔去街，佢連去普通按摩都要約女仔陪佢，我曾經為此質問過佢，佢竟然覺得約女仔去按摩係無問題......幾個女仔一齊我都仲可以接受，但一對一就真係唔得....

唉，除咗睇開d，扮唔知外，都唔知可以點。