經常每朝屋企都會跳漏電斷路器

你要我地扮福爾摩斯你都要俾多d線索我地至得架，雞碎咁多資料人地點分析啫？你應該講吓你屋企有d乜嘢電器，好似玩話事啤「晒冷」咁show哂出嚟，仲要詳列出夜晚瞓咗敎有乜嘢電器係開著或者插咗係插蘇stand by，
仲要諗吓夜晚既情况同日頭有d乜嘢唔同，靜靜諗吓觀察吓夜晚會有乜嘢變數，最好逐樣電器走埋去，思考一吓關佢事既機會有幾大，你自己扮咗福爾摩斯先啦，你呢個諸葛亮唔掂再搵我地d臭皮匠幫手啦。

2010-03-06 03:02:34 補充：
等咗你半日你都冇任何回應，你唔啋我都鬧吓我吖。
可惜同你相逢恨晚，如果我一早知你咁衝動走去換漏電斷路器（水氣制），我一定喝住你叫你唔好咁傻，換個水氣制起碼都要三四佰蚊以上，你留番ｄ錢，攞三十蚊出嚟請我食雪榚仲好啦。
你都識得講會唔會夜晚有d咩電器漏電引致跳漏電斷路器，咁你梗係肯定咗所有電器都冇問題，又冇外在環境因素令到電器冇問題都變有問題，先至郁個水氣制啦。
如果你而家仍然未搵到原因既話，你先將問題範圍收窄，再用第一位回答者既方法去試，先試一d有水而夜晚又會開既電器，例如雪柜、抽濕機等。
試之前你可以先關咗水氣制，然後睇吓有乜嘢電器仍然開得著，咁呢ｄ電器就即係唔經水氣制，唔關事，可以不理。泠氣機通常一定唔經水氣制，不過都用我講既方法確定咗先，因為有時ｄ裝修師傅或者電工師傅會因為貪方便或者特別原因而做ｄ反傳統既事，而如果你部冷氣d鐵又霉欄哂，咁啱樓上冷氣機滴水或者你部冷氣機內既水濺到你部冷氣機既電路板或者電源部件，咪有機會跳制囉。
你又可以上床果陣用插蘇開住部HI-FI仔聽收音機，如果跳水氣制果陣你仲未瞓著﹐咁你咪知道幾時跳囉，係呢個時候你就要細心ｄ週圍睇吓現場環境同日頭有乜唔同，你最需要既就係邏輯思維，要用個腦去思索........
你唔肯哂我地冷，唔肯俾多d資料我地，咁我地可以做既都已經做哂，如果你想我地繼續做嘢，咁你自己都要做吓嘢俾多d料我地，你知唔知乜嘢叫做巧婦難為無米之炊？冇繭喺手點抽絲剝繭？

the humidity recently is very high,
the circuit may be contain some water molecular,
the water make the RCCB switched.
you can buy a leakage current meter to check the current of leakage,

你試下秉睡前關一件, 第2天無跳電的話再開番，如果第3天跳制就知道啦，如此一件一件地試，就能找到有漏電的電器了。

lewis
VOIP ,寬頻電話 www.zonetel.com