有什麼救到我?

我話諗太多先系多餘 , 吾系你存在系多餘 !

人點樣行自己條路系由自己選擇 ,

冇人可以逼到你做任何你吾想做的事 !

如 : 工作只要你有能力 / 有技能就可以做

( 只為了錢而活 ) 可以不是這樣 :

你可以選擇為快樂 / 達成目標理想為活 !

而名利.權力吾去追求 , 簡簡單單去生活 ,

一切只系自己用咩心態去睇 , 用咩方法用做 !

知足就會常樂 !

其實有好多雙失青年都犯左同一個錯,
就係諗多過做,
佢地諗到好大,覺得自己應該有一番作為,
應該可以做到大事,比人敬仰之類,
但問題係第一步已好難,
跨出第一步後面又有排山倒海的問題等住佢,
於是佢開始畏縮,唔想亦都唔敢向前行,
然後把責任推給家人,朋友,社會,政府,
覺得無機會,
有冇見過國內窮鄉僻壤,佢地連機會都冇,
香港只要你唔嫌份人工低,總會有人請,
總唔會餓死,
但好多人覺得做唔到一 件令朋友看得起或羡慕的工作,
就好像失去義意,於是索性放棄自己,
因為放棄總比堅持要舒服。
返轉頭講番你那一筆,
其實自信心真的是自己俾自己,
或許你在社會上碰了釘,
見盡世間險惡,但是這不就是社會的考試嗎?
不要以為讀完書便再無考試,
入了社會都要接受考驗,
既然你不是沒有工作能力,
那麼你已不是最不幸的一群,
有很多弱智人士或傷殘人士都找工作去了,
他們比你更有資格去怨天,
但他們寧願省下時間,
去工作,做一份可能不是他們夢想的工作,
但至少,他們對社會有貢獻,
對家庭減少負擔,這已算是有用的人了,
你說得對,人是為錢而活,但說準一點,
錢都是用來換取快樂,
人是為快樂而活,你為什麼沒有為自己的快樂而努力?
你發覺有人吞噬別人的尊嚴,
你管別人那麼多干什麼?
可能你曾被老闆同事罵得沒有尊嚴,
但這可能是你自尊心過強而已,
香港好多人也試過,但有些人會一笑置之,
所以問題不是誰人罵你,而是你會怎看待被罵的情緒,
你可以把憤怒化為動力,更努力讀書,做好本份,
將來威給那些罵過你的人,
對自己好就是對敵人最好的報復!
其實你都幾哲學思想,
可以考慮去讀一d哲學/心理課程,
因為你對人性有反思,
可能適合你讀,或者你會有作為,
就算唔係,起碼你讀多張文憑,
搵工都易d。
如果你連自己都覺得自己多餘,
別人又點會重視你的存在呢?
要別人尊重自己,先要覺得自己活得有意義,
不要放棄,跨過呢個迷茫先啦

只可以講,每個人嘅路都唔同,
不過唔自己去行就一定係失敗者!
你話係名利造成,我覺得係佢地黑暗嘅本性造成.
如果唔同人比較,夠生活咪唔會有煩惱囉!
就係因為樣樣都要同人比,
咁生活又點會開心!
人地講咩你就在意,
係你自己唔識處理咋,
人講廢話就當佢唱歌囉,
千里馬遇上伯樂都唔係一朝一夕嘅事啦.
由低做起唔係一件醜事,
畀人話幾十萬句都係社會正常現象(呢個世界無聖人架),
OT無人工,假期返工無補假濕濕碎啦~
唔通有工做嘅都係天跌落黎架,
咁兩公婆打七份工嗰D咪好鬼好彩.
唔肯行出第一步就唔好冤,
信心係自己搵返黎,
無人可以畀到你!