是否撞邪?很痛苦...

我係做飲食業既,過年時請假回鄉過年,返左去差唔多10日,初10返來香港返工,返工第二日到對腳開始痛,一開始唔為意,因為做呢行需長時間企,以為係好耐無返工,對腳唔習慣先會咁,但係再過2日發現呢隻痛唔係企得累既痛,因為以前痛係小腿腳跟同埋腳掌酸痛,但只要返到屋企沖個熱水涼就會舒服好多...但係今次呢隻痛就只有腳前掌同埋10隻腳指痛,唔行路都好痛,好似比好多橡筋扎住,比電電親咁樣~
我去左睇西醫,就話我風濕,開左止痛藥我食,打左針,但無用~都仲係好痛.
睇中醫就話我濕氣重,比左D去濕中藥我飲.
初頭我都覺得係因為自己大意,因為成個新年都好潮溼,我成日都著D半濕乾既襪,焗住對腳所以搞成咁~
但係中醫西醫都睇左,都係唔得,仲係好痛..根本訓唔到,更唔好話返工~
媽咪就認為我撞邪,因為我過年時去左婆婆的墳,本來想帶D衣紙同埋香去拜婆婆,但係鄉下D親戚就話因為今次唔係全家人去拜拜,所以唔洗咁大陣脤,最後就剩係帶左婆婆中意食既野同埋酒去.
媽媽話佢去問過人查過通勝,我應該係踩到無頭鬼,我去拜婆婆,但無帶香同錢去,搞到婆婆無辦法係陰間派錢同埋請客,所以激嬲左D遊魂野鬼.
而且好奇怪,係我返到香港既...應該係第二晚,屋企花瓶係半夜無啦啦趺左落地下,放左成個新年都無事,但我一返來就咁~
仲有,果次陪我拜婆婆既,係我表姐夫,佢身體無咩事,但係亦係奇怪,佢架車揸左幾年都無事,好突然地係我地出香港果日,係hjgh way上壞左,搞左2日先整返好...

我唔知係我迷信定係點...本來媽咪同我講,我都唔信,我又真係覺得我對腳無腫無瘀,但就係咁痛...如果係風濕..但我以前又無整親過腳掌,反而腳踝就整親過,但腳踝唔痛,腳掌痛? 中醫話濕氣重,咁食左藥去左濕應該無事啦...點解仲係痛??

今晚我會同媽咪帶衣紙去拜拜,希望佢地放過我,原諒我...唉...