有冇人試過羊膜穿刺術?急急急

2010-02-27 7:39 pm

有冇人試過羊膜穿刺術?(俗稱抽胎水),心情真的好差，之前試過作小產，又話前置胎盤,現在有糖尿病但血糖受到控制，以為一切都向好的方向發展，但昨天做咗一個結構性超聲波，話ＢＢ染色體數目比正常人多了一條.BB患唐氏綜合症的機會會高D,所以要進一步接受羊膜穿刺術,但有危险性,大概有百分之一孕婦會流產,除咗這個仲話ＢＢ心臟有問題,不是連貫而是分開,真是好擔心，ＢB已经５個月了，會動了，而我身體又唔好，真的害怕ＢＢ保唔住，我已经32歲了，第一次有ＢＢ,怀孕期間總是出現一個接一個嘅問題,現在已经21周幾,但羊膜穿刺術一般在16至18周進行,BB真的冇危险嗎？我的心情真的好差,有冇人試過羊膜穿刺術成功嘅？或者失敗嘅？請話我知,不過我一定要堅強D,BB都一定要堅強D,我跟BB又要打一場仗了.

回答 (1)

小B豬

2010-02-27 11:06 pm

✔ 最佳答案

我好明白你的感受, 我都抽過胎水, 當初係話我唐氏高危
1：246，抽羊水要起碼17week先做得, 果個幾月真係度日如年.

不過你都放鬆d啦, 如果唔係會影響亞B架, 好似我咁, 收到報告話BB無事咪安樂晒啦, 仲知道BB係仔定女添, 記住唔好咁擔心, 其實好多媽咪都好似我同你咁話係唐氏高危, 你可去親子王國個網度同其他媽咪傾下, 心情都好D

＊＊抽羊胎水時係唔使麻醉, 痛就當然會有少少啦,（支針成6吋長）你只要放鬆個肚, 唔好咁緊張, 真係唔得既話, 合埋眼唔好睇, 三兩分鐘就OK
＊＊手術期間BB受傷機會唔大, 因為會有超聲波睇住, 而且醫生會在亞B較遠既位落針

＊＊抽完後坐15分鐘, 無事就可回家, 當然回家後唔好做D粗重野，基本上我抽完第二日已可返工

記住放鬆D, 做足媽咪本份, 食多D有營食物, 祝你個BB一切正常, 健康!

👍 0 👎 0