有關鼠鼠 ( 小銀狐 & 小路寶 )

見你打咗咁多問題,就知你緊張d倉鼠^^
問題1:其實一開始嚇親佢地真係唔係咁好,我建議你可以減少頭幾日嘅餵食份量, 之後 每日試下餵佢地食少少佢地鐘意食嘅野,佢地一開始可能會抗拒,咁就只可以耐心d等多幾日再試下(減少餵食份量,可以係平日嘅一半)

問題2 :其實倉鼠自身有特殊嘅氣味,成日轉籠佢地會好唔慣,如果你打算幫倉鼠轉籠,記得要洗乾淨再轉籠,如果岩岩洗完個籠都唔好即刻轉,清潔劑嘅氣味對倉鼠泥講太重,佢地嗅覺好強,要小心d

問題3 :真係唔好用水同倉鼠沖涼,如果水入咗真皮層就大件事,其實用沖涼粉已經ok.倉鼠身上有味都冇辦法,人身上有體味,倉鼠都有嫁,定期洗下籠,陣味會冇咁重^^

問題4 :一般嘅倉鼠多少都會揀食,雜糧佢地都會食,不過唔好太縱d倉鼠,比佢地適當嘅份量,當佢地食曬自己鐘意食嘅野之後,都唔好即刻加d新嘅食物,盡量迫佢地食,仲要留意下你親手餵佢食野時,佢地係咪好急咁食,如果係,你就再加返多dd食物比佢^^你可能去寵物店買d倉鼠專用零食^^建議你買一包蟲乾比佢地食,我嘅倉鼠超級鐘意食,大約$20一包,蟲乾可以令倉鼠嘅毛更順滑,花生同瓜子唔好餵咁多,食太多佢地會熱氣,脾氣會暴躁><

問題5 :唔好擺紙巾絲,會好臭嫁!!其實你可以用倉鼠廁所,佢地係果度去廁所,d廁所沙會吸曬d尿味,提提你,夏天唔好放咁多木糠,佢地會好熱...冬天就放多d,亦可以加d棉花比佢地保暖,天氣潮濕就要勤d換木糠,唔好懶

問題6 :我唔建議比佢地飲水喉水,熟水會好d,水喉水有好多化學物質,對倉鼠唔好><

關於小銀狐的::
問題7 :倉鼠唔會長期咬磨牙石,唔習慣可能係其中一個原因,如果小銀狐長期唔咬,又唔咬籠嘅話就要留意下,你可以比佢食多d較硬嘅食物,其實唔洗太擔心,小銀狐識得自己處理過長嘅牙齒^^

問題8 :我都有比佢地爬梯,都係鐵的,一般鐵嘅都比較難爬,你可以係梯下面加張紙太大嘅空隙佢地好難爬

問題9 :倉鼠有自己嘅習慣,唔訓屋都冇問題,如果你真係擔心,你可以將屋放係小路寶平時訓嘅地方,睇下佢入唔入去訓,如果都係唔入,就唔好迫佢.放心,倉鼠自己識得保溫,冇甘易冷親嫁

問題10 :其實又唔一定要放佢地出泥,不過你鐘意都冇所謂,但要留意下你放咗佢地出泥之後,佢地有冇不斷大便,如果有,即刻佢地好驚,最好放返入籠.

問題11 :如果想同佢地好好相處,係啱啱買返泥果幾日就唔好嚇親佢地,如果已經嚇親佢地,就忍住幾日唔好再玩佢地,之後再用第1題嘅解答方法泥同佢地陪養感情,要比d耐性^^

問題12 :唔係所有倉鼠都會咬磨牙石,我隻小灰霸都唔咬,但係佢地會咬其他野泥磨牙,eg:籠、較硬嘅食物......

關於小路寶的::
問題13 : 一般倉鼠都唔會成日飲水,如果佢真係幾日冇飲,你可以再餵佢飲多次,如果佢口渴,自然會飲^^建議每2-3日換一次水

問題14 :倉鼠真係好敏感,你拎野果陣只可以快d,又或者餵佢地食野分散佢地嘅注意力^^

終於答哂d問題,希望真係可以幫到你,
以上回答都係我嘅經驗同一d有關飼養倉鼠嘅書籍
養倉鼠真係好開心,多留意佢地就可以了解佢地更多^^

最後,提你幾點:
唔好成日比d fd玩隻倉鼠,當倉鼠習慣了主人嘅氣味後會難適應其他人
如果夏天d倉鼠都冇成日飲水嘅話,你可以餵佢地食d新鮮水果,eg,apple....
唔好餵一d水份太多嘅水果,eg,西瓜、橙...水份太多佢地會肚瀉,
餵食嘅水果一定要洗乾淨,唔好有農藥...
唔好養得太多,大約一星期1-2次,每次一小塊,
水果放得太耐就唔好再比佢地食
亦唔建議餵蔬菜,農藥比較多(有機菜就冇問題^^)
天氣潮濕時唔單只要多換木糠、洗籠,仲要留意倉鼠有冇脫毛,要細心留意一下,萬一有好可能係皮膚病,經濟許可就睇醫生,亦可以去寵物店買皮膚藥水^^

希望你可以認真而且細心咁照顧倉鼠^^