本人現在懷孕第9週,是第1次懷孕
由第6週開始,胃口變了,我知道係正在,但我食既野好似好唔健康,點算?
依家早上都係食餅乾,飲lemon tea,因為懷孕令我唔鐘意飲水
又唔鐘意食飯~成日食薯片,m記,蛋,牛奶,糖等~一星期都有3天會煲湯飲
肚餓時候,又搭緊mtr,想食野點算??大家有冇咁既情況?
同埋,我每晚係臨訓前都好肚餓,但又非常眼訓.....唔食d野又訓唔到
夾硬起身食野,最弊食一隻蛋都唔飽...又唔想食飯,非常苦惱。
另外,我都會有想嘔感覺,但係次次都忍住唔嘔
特別係坐車多過15分鐘都想嘔~~
如果想嘔的話, 可唔可以扣喉呢??還是自然咁嘔會好d?
依家我仲係返緊工,但成日覺得好眼訓....點算好!? 眼訓令我工作都冇心機
或者成日做漏野....><! 好似帶俾同事好多麻煩... 但晚上好眼訓個陣又好餓...
你地會點解決?!
雖然唔想不幸事件發生,但我都想知道...如果懷孕小產的話,會係咩感覺?
有咩徵狀?平時如果俾好重既袋撞到個肚,例如,個袋載3個橙,3個蘋果,蕃茄,薯仔等~幾大力道會出事??
懷孕係咪剪短頭髮好D??我聽人講,頭髮會同BB爭鐵質,係咪真嫁?
我D頭髮都有45CM長~~而懷孕去剪頭髮會唔會有問題?染髮又得唔得?
我現在才21歲^^ , 生BB時候會22歲, 雖然年齡細左D, 不過我唔擔心唔識湊BB
不過想知道, 好似我呢個年齡生BB既女性多唔多?? 會唔會有人歧視我咁細個生BB?
我家住西貢既~~ 住地下, 個條村比較潮濕, 間屋成日濕笠笠, 要長期開抽濕機,
每次出街返到屋企, 都一陣UP味, D毛巾都濕到有[毛菌],
BB係咁樣環境下成長, 會有問題嗎??
抽濕機對BB會唔會有影響?? 同埋我屋企有養貓的, 間屋有花園,花園裝左玻璃屋
每次返屋企一定要經過玻璃屋再入屋內
而我屋企3隻貓貓住係玻璃屋, 人就住屋內
唔會俾D貓貓入屋, 而我懷孕後都冇摸D貓貓, 大小便由老公清潔,
會唔會有問題呢?? 因為同貓貓有感情, 唔捨得唔要佢地~
希望有人解答到我D問題啦^^
懷孕新手,好多問題想問,希望過來人可以幫到我
2010-02-26 10:40 pm
回答 (2)
2010-02-27 1:59 pm
✔ 最佳答案
首先你要放鬆心情吾好咁緊張，產前產后都要保持心情開朗，你咁緊張會影響你情緒會導致精神緊張會有產後抑屈病；
我懷孕時都係胃口變左，不過就無你咁食埋D咁吾健康嘅食物，BB係靠你比營養
佢架，所以你一定要食D有營養嘅嘢！
例如早餐食燕麥+鮮奶、煎蛋(淨係蛋白)蛋黃膽固醇高吾食，每天飲杯鮮奶或孕婦
奶幫助BB皮膚白白滑以及多種維他命，每天多吃水果及疏菜；
戒飲 lemon tea，佢嘅茶係西紅茶做嘅，奶茶咖啡等更加米飲，薯片&糖都要戒，
刺激、熱氣、煙呀酒呀全部嘅戒戒戒!!!想生個健康正常嘅BB就要戒口；
你煲湯吾好用豬骨…有骨嘅肉，因為BB若聶取太多鈣質會影響頭部明顯較大，如
果自然婚娩…BB係個頭出先架！頭大就難生D辛苦D兼且BB頭部會明顯較大，飲
鮮奶或孕婦奶裡面已有鈣，改用豬展或瘦肉嚟煲湯；
有想嘔感覺，千祈吾好扣喉，手袋每日袋定D九制陳皮、話梅之類，作悶作嘔時
先至食少許，如果嘔得出就自然嘔；
吾想食飯就食粉麵或粥或者淨食餸或飲湯食埋D渣，係搭mtr前先去食左嘢去埋洗
手間先好去搭車；
返工眼訓食陳皮、話梅可以有提神作用，或飲杯熱嘅花茶或中國茶(香片或茉莉)怡
下神，每晚上係訓覺前食飽先去睡，無計我都係咁；
小產的話下體會流血及腹痛，小產頭３個月，4、5月BB成哂形就好少機會小產，
生得嘅話會陣痛，一陣一陣咁陰陰痛，之后下體會出血或流羊水，有D人見血
先，有D人我穿水先，就即刻入醫院，準備定入院要用嘅嘢孕婦產後用嘅衛生
巾、消毒藥水(拉 SO)、棉花、你嘅日用品及BB用品等，全部搵個袋入好哂佢，
準備定一作動時就即咩個袋行得；
懷孕剪短頭髮好D，一來係方便自己洗頭吾洗洗咁耐，二來頭髮長米需要吸你多D
營養囉！吾係瓜大肚都要貪靚染髮!最好吾好啦！等生埋坐完月先，E家醫生話染
髮會致癌；
最好搬…毛巾有毛菌已經吾好再用，抹頭抹面抹身抹下體由頭到腳都係菌，人長
期住係較潮濕嘅地方係吾好嘅，除非你一年四季日日開24小時不停咁開…電費勁
重皮囉！開抽濕機係無人時抽，因為佢所謂抽濕其實米即抽水份，如果人係度米
連你地人嘅水份都抽埋 law，你話勒…
有仔親嫩生…點會有人歧視你呀！況且你都成21歲啦！米亂冧啦冧多左啦你！安
心養胎等生番個肥肥白白健健康康嘅B啦!孕婦忌接觸活生嘅或已死去嘅動物、寵
物、家摛及鳥類；
貓貓可繼續養係玻璃屋度，你暫時吾好照顧佢地，米比佢地入屋，建議第日BB至
幼自園都吾好比佢接觸摸佢住，一來有菌有蚩二來幼兒會吾懂性打隻貓同拉貓
尾，貓貓會嬲抓傷BB；(吾好以為教左BB點摸貓貓，BB就吾會打隻貓同拉貓尾，
D貓呀狗呀都係BB走去打佢，結果咬人抓人，D狗甚至乎咬死BB)
應該都解答哂你D問題，希望你可以安心^^養胎！
參考: 親身經驗
2010-03-04 10:37 pm
會唔會有人歧視我咁細個生BB?
14歲的媽媽都有啦~ 而家e個年代仲邊有人歧視後生生仔~
懷孕係咪剪短頭髮好D?
方便清理, 再過多幾個月行動更加不便, 頭髮太長會好麻煩.
貓貓會唔會有問題呢?
始終唔系太好, 貓貓d毛會刺激BB, 而且貓貓始終系動物周圍走, 會有細菌甚至寄生蟲, 你大人有抵抗力就無事, 但BB太細個抵抗力弱, 就可能唔太好啦~
14歲的媽媽都有啦~ 而家e個年代仲邊有人歧視後生生仔~
懷孕係咪剪短頭髮好D?
方便清理, 再過多幾個月行動更加不便, 頭髮太長會好麻煩.
貓貓會唔會有問題呢?
始終唔系太好, 貓貓d毛會刺激BB, 而且貓貓始終系動物周圍走, 會有細菌甚至寄生蟲, 你大人有抵抗力就無事, 但BB太細個抵抗力弱, 就可能唔太好啦~
收錄日期: 2021-04-12 13:47:56
原文連結 [永久失效]:
https://hk.answers.yahoo.com/question/index?qid=20100226000051KK00760