水電問題~太潮濕

空氣中既濕氣應該不足以令電制漏電, 你睇下越南、柬埔寨這些長年濕度都90以上既國家一樣唔會一開電制就漏電就知. 我估計係你屋企入面有一個電器本身有少少漏電, 潮濕既日子就漏得更利害, 又或者係你一件潮濕天氣先會用既電器漏電所引致的.

解決方法:你知道漏電斷路制有一個總制, 再加上很多區域制(總制旁邊其他的制, 應該有列明每個制代表那區域的電器, 如廚房、廁所、電燈等等)組成. 你可以試下下列既方法看看可不可以幫到你:

1) 關閉漏電斷路制內所有電制 (包括總制及其他區域制)
2) 先開總制, 其他所有區域制保持關閉狀態, 這樣應該不會跳制, 因為所有地方未有電到. 如果這一步已經跳制, 代表你漏電斷路制自己漏電, 咁要搵有牌電工師傅維修比較安全.
3) 如第2步沒有問題, 就一個一個制慢慢開返, 睇下邊個位漏電, 再拔除或修理好漏電的電器.
4) 最後我會建議你若覺得難明的話就搵有牌電工師傅維修比較安全, 因為電始終有一定的危險性, 都係安全至上比較好.

祝你虎年萬事如意, 家居安全!!